பங்களாதேஷில் இருந்து அத்தியாவசிய மருந்துகள் நன்கொடை
சுகாதார அமைச்சர் கெஹலிய ரம்புக்வெல்லவின் தனிப்பட்ட கோரிக்கைக்கு இணங்க பங்களாதேஷ் 54 வகையான அத்தியாவசிய மருந்துகளை நன்கொடையாகப் இலங்கைக்கு வழங்க முன்வந்துள்ளது.
இலங்கையின் சுகாதார அமைச்சர் கெஹலிய ரம்புக்வெல்ல பங்களாதேஷ் பிரதியமைச்சர் மூலமாக பங்களாதேஷ் பிரதமரிடம் நன்கொடை வழங்குவதற்கான கோரிக்கையை முன்வைத்துள்ளதாக சுகாதார அமைச்சு வெளியிட்டுள்ள அறிக்கையில் கூறப்பட்டுள்ளது. .
பங்களாதேஷ் சுகாதார அமைச்சின் பங்களிப்புடன் 58,307 அமெரிக்க டொலர்கள் பெறுமதியான அத்தியாவசிய மருந்துப்பொருட்கள் இந்த வாரத்திற்குள் இலங்கைக்கு வரவிருப்பதாக சுகாதார அமைச்சு எதிர்பார்க்கிறது.
மருந்துப் பற்றாக்குறை
இலங்கையில் நிலவும் மருந்துப் பற்றாக்குறையைத் தீர்ப்பதற்கான நடவடிக்கையாக இலங்கையின் சுகாதார அமைச்சர் இந்த கோரிக்கையை விடுத்துள்ளதாகவும், பங்களாதேஷ் அதற்கு உடனடி பதிலை வழங்கியுள்ளதாகவும் சுகாதார அமைச்சு தெரிவிக்கிறது.
பங்களாதேஷில் இருந்து நன்கொடையாக வழங்கப்பட்ட மருந்துகளில் புற்றுநோய் மற்றும் சிறுநீரக சிகிச்சைகள் உட்பட மிகவும் அத்தியாவசியமான மருந்துகள் அதில் அடங்குவதாக சுகாதார அமைச்சு கூறுகிறது.
தனது நன்றியைத் தெரிவித்த அமைச்சர் கெஹலிய ரம்புக்வெல்ல, இலங்கைக்கு உடனடி உதவிகளை வழங்கிய பங்களாதேஷ் பிரதமர், சுகாதார அமைச்சர் மற்றும் அரசாங்கத்திற்கு தனது பாராட்டுகளையும் தெரிவித்தார்.
இலங்கையில் நிலவும் மருந்துப் பற்றாக்குறைக்கு தீர்வாக பங்களாதேஷ் அரசுடன் தொடர்புடைய மருத்துவப் பொருட்கள் தொடர்பான நீண்டகால புரிந்துணர்வு ஒப்பந்தம் ஒன்றை மேற்கொள்ளவுள்ளதாகவும் சுகாதார அமைச்சு எதிர்பார்க்கிறது.
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
