மின் கட்டணத்தை 50 சதவீதத்தால் குறைக்க எதிர்பார்ப்பு
நாட்டில் பொது மக்களின் மின்சாரக் கட்டணத்தை குறைப்பதற்கு தேவையான தரவுகளை மின்சார சபை ஏற்கனவே பொதுப் பயன்பாடுகள் ஆணைக்குழுவிடம் வழங்கியுள்ளதாக மின்சக்தி மற்றும் எரிசக்தி இராஜாங்க அமைச்சர் இந்திக அனுருத்த தெரிவித்தார்.
மின் கட்டணத்தை குறைப்பதற்கு தேவையான அடிப்படை வேலைகள் அதாவது விலை திருத்தம் அடுத்த மாதம் ஆரம்பத்திற்கு முன்னர் கொண்டுவரப்படும் என அவர் மேலும் தெரிவித்தார்.
இது தொடர்பில் அவர் மேலும் தெரிவிக்கையில்
பொதுப் பயன்பாடுகள் ஆணைக்குழு
“என்னால் எவ்வளவு சதவீதத்தால் மின்கட்டணம் குறையும் என இங்கு சொல்ல முடியாது. பொதுப் பயன்பாடுகள் ஆணைக்குழுதான் அதற்கு முழுப் பொறுப்பு.
நாம் காட்டும் இலக்குகளுக்கும் அந்த இலக்குகளுக்கும் இடையில் முரண்பாடுகள் இருந்தால், அது ஒரு பிரச்சினையாகும்.
விலையை குறைத்து மீண்டும் அதிகரிப்பது எமது நோக்கமில்லை. இதனை தொடர்ச்சியாக கொண்டு செல்வதே எமது திட்டம்.
50 சதவீதத்தால் குறைப்பதற்கு
நாங்கள் வழங்கிய தரவுகள் பொதுப் பயன்பாடுகள் ஆணையத்தால் கிட்டத்தட்ட 20 நாட்களாக சரிபார்க்கப்பட்டு வருகிறது.
எனவே, அடுத்த மாதம் முதல் வாரத்திற்கு முன் விலைத்திருத்தத்தை வழங்கலாம் என்று நாங்கள் நினைக்கிறோம்” எனத் தெரிவித்தார்.
இந்நிலையில் மின்கட்டணத்தை கூடிய விரைவில் 50 சதவீதத்தால் குறைக்க இயன்றளவு எதிர்பார்க்கப்பட்டுள்ளதாக மின்சார சபையின் பொறியியலாளர் சங்கத்தின் ஊடக பேச்சாளர் நந்திக பதிரகே நேற்று (04) இடம்பெற்ற ஊடக சந்திப்பில் தெரிவித்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
குடத்தனை, வராத்துப்பளை, Montreal, Canada, Cornwall, Canada
07 Apr, 2025
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025