மன்னாரில் இன்றுமாலை இடம்பெற்ற துயரம் : கடலில் சடலமாக மீட்கப்பட்ட குடும்பஸ்தர்
மன்னார்(mannar) பள்ளிமுனை கடற்பரப்பில் இருந்து இன்று திங்கட்கிழமை (13) மாலை வள்ளத்தில் கடற்தொழிலுக்கு சென்ற குடும்பஸ்தர் ஒருவர் வள்ளம் தாண்டதில் கடலில் விழுந்து உயிரிழந்தார்
உயிரிழந்தவர் மன்னார் பள்ளிமுனை மேற்கு பகுதியைச் சேர்ந்த எஸ்.ஏ.ஜான்சன் (வயது-62) என அடையாளம் காணப்பட்டுள்ளார்.
தொழிலுக்கு சென்றவேளை இடம்பெற்ற அனர்த்தம்
உயிரிழந்தவர் உள்ளடங்கலாக மேலும் சில கடற்றொழிலாளர்கள் வள்ளம் ஒன்றில் தொழிலுக்குச் சென்றுள்ளனர்.இதன் போது இன்று மாலை 4 மணியளவில் திடீரென கடும் காற்று மற்றும் மழை பெய்துள்ளது.
இதனால் கடற்றொழிலாளர்கள் சென்ற வள்ளம் (படகு) கடலில் மூழ்கியது.ஏனையவர்கள் தப்பிய போதும் குறித்த குடும்பஸ்தரான கடற்றொழிலாளர் கடலில் மூழ்கி உயிரிழந்தார்.
சடலம் மன்னார் வைத்தியசாலையில்
உயிரிழந்தவரின் சடலம் மீட்கப்பட்டு மன்னார் வைத்தியசாலையில் ஒப்படைக்கப்பட்டுள்ளது.மேலதிக விசாரணைகளை மன்னார் வைத்தியசாலை காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
