அதிர்ச்சி குண்டுகளைப் பயன்படுத்துவதற்கு பிரான்ஸ் அரசு தற்காலிகத் தடை!

France World Protest

By Shalini Balachandran Oct 07, 2026 05:57 PM GMT

Shalini Balachandran

in உலகம்

Report

பிரான்ஸில் மாணவர்கள் நடத்தி வரும் போராட்டத்தின் போது 15 வயது மாணவனின் கை ஒன்று துண்டிக்கப்பட்டதையடுத்து காவல்துறை அதிர்ச்சி குண்டுகளைப் பயன்படுத்துவதற்கு பிரான்ஸ் அரசு தற்காலிகத் தடை விதித்துள்ளது.

வடக்கு நகரமான லென்ஸில் (டுநளெ) நடந்த சம்பவத்தில் 15 வயது மாணவரின் கை துண்டிக்கப்பட்டது.

இந்தநிலையில் சம்பவம் குறித்து உண்மைகள் தெரியவரும் வரை அதிர்ச்சி குண்டுகளைப் பயன்படுத்த வேண்டாம் என உள்துறை அமைச்சர் லோரண்ட் நுனேஸ் உத்தரவிட்டுள்ளார்.

வகுப்பறைப் பற்றாக்குறை

பாடசாலைகளில் போதிய ஆசிரியர்கள் இல்லாமை, வகுப்பறைப் பற்றாக்குறை மற்றும் மோசமான பாடசாலை உள்கட்டமைப்பு வசதிகளைச் சீரமைக்கக் கோரி கடந்த செப்டம்பர் பாதியிலிருந்து மாணவர்கள் தீவிரப் போராட்டத்தில் ஈடுபட்டு வருகின்றனர்.

அதிர்ச்சி குண்டுகளைப் பயன்படுத்துவதற்கு பிரான்ஸ் அரசு தற்காலிகத் தடை! | France Bans Stun Grenades After Student Injury

இதன் காரணமாக பிரான்ஸ் முழுவதும் 500 இற்கும் மேற்பட்ட பாடசாலைகள் முற்றிலும் அல்லது பகுதியளவில் மூடப்பட்டுள்ளன.

அத்துடன் போராட்டங்களின் போது 24 பாடசாலைகள் தீவைக்கப்பட்டும் சேதப்படுத்தப்பட்டுள்ளன.

கண்ணீர்ப்புகைக் குண்டுகள்

போராட்டத்தைக் கட்டுப்படுத்த கண்ணீர்ப்புகைக் குண்டுகள் மற்றும் நீரைப் பீய்ச்சி அடிக்கும் வாகனங்கள் பயன்படுத்தப்பட்டன.

இதுவரை 6,500 இற்கும் மேற்பட்டோர் கைது செய்யப்பட்டுள்ளனர்.

அத்தோடு 215 மாணவர்கள், 85 பாடசாலைகளின் ஊழியர்கள் மற்றும் 715 காவல்துறை அதிகாரிகள் காயமடைந்துள்ளனர்.

இந்தநிலையில், பிரதமர் செபாஸ்டியன் லெகோர்னு மற்றும் ஜனாதிபதி இம்மானுவேல் மேக்ரான் தீவிர அவசர ஆலோசனைகளை நடத்தி நிலைமையைக் கட்டுப்படுத்த நடவடிக்கை எடுத்து வருகின்றமை குறிப்பிடத்தக்கது.