இனவாதம் ஒழிக்கப்பட வேண்டும் : வலியுறுத்தும் எம்பி!
இலங்கையில் இனவாதம் ஒழிக்கப்பட வேண்டும் என தமிழ் முற்போக்கு கூட்டணியின் தலைவரும் நாடாளுமன்ற உறுப்பினருமான மனோ கணேசன் வலியுறுத்தியுள்ளார்.
அத்துடன், சிங்கள பௌத்த பெருந்தேசியவாதம் ஒழிக்கப்பட வேண்டும் எனவும் அவர் கூறியுள்ளார்.
இந்த நடவடிக்கையை முன்னெடுக்காது, தற்போதைய அரசாங்கத்துக்கு இலங்கையில் உள்ள தமிழ் முஸ்லீம் மக்கள் ஆதரவளிப்பார்கள் என நினைப்பது தவறு என இன்று நடைபெற்ற ஊடக சந்திப்பின் போது, மனோ கணேசன் சுட்டிக்காட்டியுள்ளார்.
கூட்டணிகள்
இலங்கையில் அண்மைக்காலங்களில் அதிகளவான கூட்டணிகள் அமைக்கப்பட்டு வருவதாக அவர் கூறியுள்ளார்.
இந்த ஆண்டில் அனைத்து தேர்தல்களும் நடைபெறுமென அதிபர் ரணில் விக்ரமசிங்க தெரிவித்துள்ள நிலையில், குறித்த நடவடிக்கைகள் முன்னெடுக்கப்படுவதாக அவர் குறிப்பிட்டுள்ளார்.
ரணில் ராஜபக்ச
அத்துடன், தேர்தல்களை மையமாக கொண்டு அமைக்கப்படும் எந்தவொரு கூட்டணியிலும் தமி்ழ் முற்போக்கு கூட்டணி இணையாது என மனோ கணேசன் தெரிவித்துள்ளார்.
மேலும், அரசியல் கூட்டணிகளை அமைப்பதன் மூலம் ரணில் ராஜபக்சவுக்கு தமிழ் மக்களட உள்ளிட்ட சிங்கள மக்களின் ஆதரவு கிடைக்காது எனவும் அவர் குறிப்பிட்டுள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
