இணையவழி சாட்சியமளிப்பதற்கு கொழும்பு நீதவான் நீதிமன்றில் கோட்டாபய முன்னிலை
முன்னாள் ஜனாதிபதி கோட்டாபய ராஜபக்ச கொழும்பு நீதவான் நீதிமன்றத்தில் முன்னிலையாகியுள்ளார்.
லலித் மற்றும் குகன் காணாமல் போனது தொடர்பான யாழ்.நீதவான் நீதிமன்றத்தில் நடைபெற்று வரும் வழக்கில் இணையவழியாகச் சாட்சியம் அளிப்பதற்காக அவர் நீதிமன்றம் வந்தடைந்துள்ளதாகத் தெரிவிக்கப்படுகிறது.
யாழ்ப்பாணத்தில் 2011ஆம் ஆண்டு அரசியல் செயற்பாட்டாளர்களான லலித் குமார் வீரராஜ் மற்றும் குகன் முருகானந்தன் ஆகியோர் காணாமல் போனமை தொடர்பான வழக்கில் சாட்சியமளிப்பதற்காக முன்னாள் ஜனாதிபதி கோட்டாபய ராஜபக்ஷ இன்று (29.09.2026) கொழும்பு பிரதான நீதவான் நீதிமன்றில் முன்னிலையாகியுள்ளார்.
இணையவழி சாட்சியம்
பாதுகாப்பு காரணங்களால் யாழ்ப்பாணத்திற்கு பயணிப்பதில் சிரமம் ஏற்படும் என முன்னாள் ஜனாதிபதியின் சட்டத்தரணிகள் தெரிவித்ததைத் தொடர்ந்து, யாழ்ப்பாணம் நீதவான் நீதிமன்றம் அவரை இணையவழி காணொளி மூலம் சாட்சியமளிக்க அனுமதித்திருந்தது.
இதன்படி, கொழும்பு பிரதான நீதவான் நீதிமன்றில் முன்னிலையாகி, அங்கிருந்து இணையவழி காணொளி மூலம் யாழ்ப்பாணம் நீதவான் நீதிமன்றில் இடம்பெறும் வழக்கு விசாரணைக்கு சாட்சியமளிக்குமாறு கோட்டாபய ராஜபக்ஷவுக்கு உத்தரவிடப்பட்டிருந்தது.
அதற்கமைய, அவர் இன்று கொழும்பு பிரதான நீதவான் நீதிமன்றிற்கு வருகை தந்து சாட்சியமளிக்க உள்ளதாக தெரிவிக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
