கீரிமலையில் கொட்டப்படும் ஆபத்தான மருத்துவ கழிவுகள் - அம்பலப்படுத்திய ஊழியர்
தெல்லிப்பழை வைத்தியசாலையின் ஆபத்தான மருத்துவ கழிவுகள் உள்ளிட்ட வைத்தியசாலை கழிவுகளை கடந்த 2014 ஆம் ஆண்டு முதல் கீரிமலை பகுதியில் கொட்டி வருவதாக, வலி. வடக்கு பிரதேச சபையின் ஊழியர் தெரிவித்துள்ளார்.
கீரிமலை பகுதியில் தெல்லிப்பழை புற்றுநோய் வைத்தியசாலையின் ஆபத்தான கழிவுகள் கொட்டப்பட்டுள்ளதாக உள்ளூராட்சி ஆணையாளருக்கு அறிவிக்கப்பட்டதை அடுத்து, அவற்றினை மீள அள்ளுமாறு வலி. வடக்கு பிரதேச சபையினருக்கு உத்தரவிட்டுள்ளார்.
அந்நிலையில் குறித்த கழிவுகள் முற்றாக அகற்றப்படவில்லை என வலி. வடக்கு பிரதேச சபை உறுப்பினர்கள் உள்ளூராட்சி ஆணையாளருக்கு அறிவித்ததை, அடுத்து நேற்றைய தினம் திங்கட்கிழமை உள்ளூராட்சி உதவி ஆணையாளர் அவ்விடத்திற்கு சென்று இருந்தார்.
நேற்று நடப்பது இல்லை
அதன் போது, கழிவுகளை மீள அள்ளுவதனை மேற்பார்வை செய்துகொண்டிருந்த ஊழியர் ஒருவர்" நான் வேலைக்கு வந்த 2014 ஆம் ஆண்டு முதல் வைத்தியசாலை கழிவுகள் இங்கே தான் கொட்டப்படுகின்றன.
இது இன்று நேற்று நடப்பது இல்லை என கூறியதுடன், கொட்டப்பட்ட கழிவுகளை அள்ளி சென்று எங்கே கொட்டுவது என உள்ளூராட்சி ஆணையாளரிடம் கேள்வியும் எழுப்பி இருந்தார்.
அதற்கு வைத்தியசாலையின் அனைத்து கழிவுகளும் மீள அள்ளப்பட வேண்டும் என கடுமையான தொனியில் தெரிவித்தார்.
அத்துடன் வைத்தியசாலை கழிவுகள் இங்கிருந்து முற்றாக அகற்றப்பட வேண்டும். அதனை உரிய முறையில் கண்காணித்து அது தொடர்பிலான அறிக்கையை சமர்ப்பிக்குமாறு பொது சுகாதார பரிசோதகருக்கு அறிவுறுத்தியுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
