ஜேர்மனியை வாட்டி வதைக்கும் வெப்பம் இதுவரை 5000 ற்கும் மேற்பட்டவர்கள் உயிரிழப்பு
ஐரோப்பாவில் நிலவும் கடும் வெப்பநிலை ஜேர்மனியில் அதிகளவு பாதிப்பை ஏற்படுத்தியுள்ளதாகவும் இதுவரை 5120 பேர் மரணமடைந்துள்ளதாகவும் தகவல்கள் தெரிவிக்கின்றன.
இவற்றில் பெரும்பாலானவை, வாராந்திர சராசரி வெப்பநிலை 20 டிகிரி செல்சியஸை வெகுவாகத் தாண்டிய ஜூன் மாத இறுதியில் நிகழ்ந்தன என பொது சுகாதாரத்திற்கான ராபர்ட் கோச் நிறுவனம் (RKI) வியாழக்கிழமை தெரிவித்தது.
பெண்களே அதிகளவில் உயிரிழப்பு
இந்த மரணங்களில் சுமார் 4,270, 75 வயது மற்றும் அதற்கு மேற்பட்டவர்களிடையே நிகழ்ந்தன என்று RKI தனது வாராந்திர அறிக்கையில் கூறியுள்ளது.
ஆண்களை விட பெண்களே அதிகமாக உயிரிழந்தனர், இதற்குக் காரணம் மிகவும் வயதானவர்களில் பெண்களின் பங்கு அதிகமாக இருப்பதே ஆகும்.
வரலாற்றிலேயே மிகவும் வெப்பமான ஜூன் மாதம்
ஐரோப்பிய ஒன்றியத்தின் கோப்பர்நிக்கஸ் காலநிலை மாற்ற சேவை, இன்று வியாழக்கிழமை வெளியிட்ட ஒரு செய்திக்குறிப்பில், மேற்கு ஐரோப்பாவில் வரலாற்றிலேயே மிகவும் வெப்பமான ஜூன் மாதம் பதிவானதாகவும், அதன் சராசரி வெப்பநிலை 20.74 டிகிரியாக இருந்ததாகவும் தெரிவித்துள்ளது.
பிரான்ஸ், பெல்ஜியம், ஸ்பெயின் மற்றும் நெதர்லாந்து ஆகிய நாடுகளில் ஜூன் 20 முதல் 28 வரை நிலவிய வெப்ப அலையின் போது 4,700-க்கும் மேற்பட்டோர் மேலதிகமாக உயிரிழந்ததாக அந்நாடுகளின் அதிகாரிகள் தெரிவித்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இலங்கை அரகலய சதுரங்கத்தில் மகிந்தவின் அரசியலை உருமாற்றிய 121 நாட்கள் 6 மணி நேரம் முன்
கொலைகளும் துப்பாக்கிகளும் தெற்கில் - இராணுவப்பட்டாளம் வடக்கில்
23 மணி நேரம் முன்
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
