உக்ரைன் வெற்றி பெறும் வரை உதவுவோம்: கனேடிய பிரதமர் உறுதி
கனேடிய பிரதமர் ஜஸ்டின் ட்ரூடோ உக்ரைனிற்கு ரஷ்யாவுடனான போரில் வெற்றி பெறும் வரை உதவிகள் வழங்கப்படும் என உறுதி அளித்துள்ளார்.
பிற நாடுகளின் ஆதரவு இல்லையென்றால் உக்ரைன் ஒரு வாரத்திற்கு மேலாக போரில் தாக்கு பிடித்திருக்க முடியாது என ரஷ்ய அதிபர் விளாடிமிர் புடின் தெரிவித்துள்ள நிலையில் கனேடிய பிரதமர் இவ்வாறு கூறியுள்ளார்.
இந்நிலையில், கனேடிய அரசாங்கம் இராணுவ, மனிதாபிமான, மற்றும் நிதி ரீதியாக உக்ரைனுக்கு சுமார் 9 பில்லியன் டாலர்கள் வரையில் உதவியுள்ளதாகவும் அவர் குறிப்பிட்டுள்ளார்.
கனேடிய பிரதமரின் உறுதி
மேலும், உக்ரைனுக்கு தொடர்ந்தும் உதவிகள் வழங்கப்படும் எனவும் உலக மக்களுக்கு அத்தியாவசியமான சமாதானம், சுபிட்சம் மற்றும் ஸ்திரதன்மையை உருவாக்குவதற்காக சர்வதேச சட்டங்களுக்கு ஆதரவு அளிக்கப்படும் என அவர் குறிப்பிட்டுள்ளார்.
அத்தோடு, உக்ரைனுக்கு தேவையான சகல உதவிகளையும் வழங்க தயார் என கனேடிய பிரதமர் உறுதியாக கூறியுள்ளார்.
