மறைந்த பாடகி பவதாரிணியின் இதுவரை வெளியிடப்படாத அந்த பாடல்
இளையராஜா இசையமைத்து மறைந்த அவரின் மகள் பவதாரிணியின் குரலில் இதுவரை வெளியிடப்படாத பாடலின் ஒலிப்பதிவொன்றை அமைச்சர் கனிமொழி வெளியிட்டு இரங்கல் தெரிவித்துள்ளார்.
இசைஞானி இளையராஜாவின் மகளும் பாடகியுமான பவதாரிணி (47) புற்றுநோய் காரணமாக கொழும்பிலுள்ள வைத்தியசாலையில் உயிரிழந்தார்.
இவர் பத்து திரைபடங்களுக்கு இசையமைத்தது மட்டுமல்லாமல் பாரதி என்ற திரைப்படத்தில் இடம் பெற்ற 'மயில் போல பொண்ணு' பாடலைப் பாடி தேசிய விருதையும் பெற்றுள்ளார்.
டுவிட்டர் பதிவு
இந்நிலையில், இவரது மறைவுக்கு திரையுலகினர், அரசியல் தலைவர்கள் உள்ளிட்ட பலரும் இரங்கல் தெரிவித்து வருகின்றனர்.
அதேவேளை, திமுக துணைப்பொதுச்செயலாளரும், தூத்துக்குடி மக்களவைத் தொகுதி உறுப்பினருமான கனிமொழி பவதாரிணியின் மறைவுக்கு டுவிட்டர் பதிவொன்றை வெளியிட்டு இரங்கல் தெரிவித்துள்ளார்.
வெளியான பாடல்
குறித்த பதிவில், வெளியிட்ட இரங்கல் செய்தியில், "'அம்மாவின் வாசனை’ என்ற தலைப்பில் நான் எழுதிய கவிதையை இசைஞானி இளையராஜா பாடலாக இசையமைத்ததாகவும் பவதாரிணியின் அழகான குரலில் அப்பாடல் பதிவு செய்யப்பட்டதாகவும் அவர் குறிப்பிட்டுள்ளார்.
'அம்மாவின் வாசனை’ என்ற தலைப்பில் நான் எழுதிய கவிதையை, இசைஞானி இளையராஜா அவர்கள் பாடலாக இசையமைத்தார்கள். பவதாரணி அவர்களின் அழகான குரலில் அப்பாடல் பதிவு செய்யப்பட்டது. அவர் பாடிய பிறகு அந்த கவிதை முழுமை பெற்றது. இதுவரை வெளியிடப்படாத அந்தப் பாடலை, அவர் நினைவாக இங்குப் பகிர்கிறேன். pic.twitter.com/CqrLNdrfkv
— Kanimozhi (கனிமொழி) (@KanimozhiDMK) January 26, 2024
மேலும், அவர் பாடிய பிறகு அந்தக் கவிதை முழுமை பெற்றது என்றும் இதுவரை வெளியிடப்படாத அந்தப் பாடலை, அவர் நினைவாக இங்குப் பகிர்கிறேன்" என்று கூறி பாடலின் ஒலிப்பதிவையும் அவர் பகிர்ந்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மட்டக்களப்பு, Lusaka, Zambia, மஹிகெங், Mahikeng, South Africa
26 May, 2026
கொட்டடி, யாழ்ப்பாணம், நல்லூர், கொக்குவில், Northolt, United Kingdom
23 May, 2026
மாத்தளை, கிளிநொச்சி, புங்குடுதீவு 3ம் வட்டாரம், புங்குடுதீவு குறிகட்டுவான், Villeneuve-Saint-Georges, France
22 May, 2026
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015