அணுமின் நிலையத்தில் பெரும் கதிர்வீச்சு கசிவு ஏற்படும் அபாயம் : ஈரான் எச்சரிக்கை
ஈரானின் ஒரே செயல்பாட்டு அணுமின் நிலையமான புஷெர் அணுமின் நிலையத்தை இலக்கு வைத்து நடத்தப்பட்ட தாக்குதல்களால் பெரும் கதிர்வீச்சு கசிவு ஏற்படும் அபாயம் உள்ளதாக ஈரான் எச்சரிக்கை விடுத்துள்ளது.
ஈரானின் புஷெர் அணுமின் நிலையத்திற்கு அருகே அமெரிக்கா மற்றும் இஸ்ரேல் படைகள் இணைந்து தாக்குதல் நடத்தியுள்ளமை சர்வதேச அளவில் பெரும் பதற்றத்தை உருவாக்கியுள்ளது.
இந்தத் தாக்குதல் தொடர்பாக ஈரான் வெளியுறவுத்துறை அமைச்சர் அப்பாஸ் அராக்ஷி, ஐ.நா பொதுச்செயலாளர் அந்தோனியோ குட்டெரெஸிற்கு அவசரக் கடிதம் ஒன்றை அனுப்பியுள்ளார்.
கதிர்வீச்சு கசிவு ஏற்படும்
அந்த கடிதத்தில், இந்த தாக்குதலின் காரணமாக அணுமின் நிலையத்தில் கதிர்வீச்சு கசிவு ஏற்படும் நேரடி அச்சுறுத்தல் ஏற்பட்டுள்ளது என்றும் அணுசக்தி நிலையங்கள் மீதான இத்தகைய தாக்குதல்கள் ஈரான் நாட்டை மட்டும் பாதிக்காது என குறிப்பிட்டுள்ளார்.
இது ஒட்டுமொத்த மத்திய கிழக்கு பிராந்தியத்திற்கும் மனித மற்றும் சுற்றுச்சூழல் ரீதியாக மிகப்பெரிய பேரழிவை ஏற்படுத்தும். இத்தகைய நடவடிக்கைகள் சர்வதேச பாதுகாப்பு விதிகளுக்கு முரணானது என்பதையும் அவர் அதில் சுட்டிக்காட்டினார்.
இந்தநிலையில் பெப்ரவரி மாதத்தின் பிற்பகுதியிலிருந்து அணுசக்தி தொடர்பான தளங்கள் மீது நடத்தப்பட்டதாகப் பதிவான பல தாக்குதல்களை அமைச்சர் பட்டியலிட்டார்.
புஷேர் அணுமின் நிலையம் தாக்குதல்
அதன்படி, மார்ச் 1 அன்று, ஈரானின் நடன்ஸ் அணுசக்தி நிலையம் இரண்டு தனித்தனித் தாக்குதல்களில் தாக்கப்பட்டதுடன் மார்ச் 17 அன்று, புஷேர் அணுமின் நிலையத்திலிருந்து சுமார் 350 மீற்றர் தொலைவில் அமைந்துள்ள ஒரு கட்டிடம் தாக்கப்பட்டது.
மார்ச் 21 அன்று, நடன்ஸ் அணுசக்தி நிலையத்திற்குள் இருந்த பல இடங்கள் மீது குண்டுவீச்சு நடத்தப்பட்டதுடன் மார்ச் 24 அன்று, புஷேர் அணுமின் நிலையத்தின் சுற்றுவட்டாரப் பகுதியில் ஒரு தாக்குதல் நடத்தப்பட்டது.
மார்ச் 27 அன்று, புஷேர் அணுமின் நிலையம் மூன்றாவது முறையாகத் தாக்கப்பட்டதுடன், கோண்டாப் கனநீர் உற்பத்தி நிலையம் தாக்கப்பட்ட நிலையில் ஷாஹித் அஹ்மதி ரோஷன் யுரேனியம் பதப்படுத்தும் தளம் குண்டுவீச்சுக்கு உள்ளானது.
இந்த நிலையில் செயல்பாட்டில் உள்ள புஷேர் ஆலைக்கு அருகில் மீண்டும் மீண்டும் நடத்தப்படும் தாக்குதல்கள் குறிப்பாக கவலையளிப்பதாக அவர் மேலும் தெரிவித்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
