சிதறும் ஈரானிய தலைநகர்: சரமாரியாக தாக்கும் இஸ்ரேல் ஏவுகணைகள்
Dilakshan
in மத்திய கிழக்கு
புதிய இணைப்பு
இஸ்ரேல் (Israel) 50க்கும் மேற்பட்ட ஜெட் விமானங்கள் மூலம் ஈரானிய முக்கிய இராணுவ தளங்கள் மற்றும் இராணுவ ஆயுத உற்பத்தி தளங்கள் மீது தாக்குதல் நடத்தி உள்ளது.
ஈரான் (Iran) தலைநகரான தெஹ்ரானுக்கு அருகிலுள்ள மசகு எண்ணெய் சுத்திகரிப்பு நிலையங்களை குறிவைத்து இஸ்ரேல் தாக்கி வருகிறது.
இதனைத் தொடர்ந்து இஸ்ரேலை நோக்கி ஈரானும் 10 பாலிஸ்டிக் ஏவுகணைகளை ஏவி தாக்குதல் நடத்தியதாக இஸ்ரேலிய இராணுவ அதிகாரி ஒருவர் தெரிவித்துள்ளார்.
மூன்றாம் இணைப்பு
ஈரானிய தலைநகர் தெஹ்ரானுக்கு அருகிலுள்ள கோஜிர் ஏவுகணை உற்பத்தி நிலையத்தை இஸ்ரேல் தாக்குவதாக ஈரானிய ஊடகங்கள் செய்தி வெளியிட்டுள்ளன.
2024 ஒக்டோபரில் இஸ்ரேல் அதே தளத்தைத் தாக்கியது.
தெஹ்ரானின் ஒரு பகுதியை விட்டு வெளியேறுமாறு இஸ்ரேல் பாதுகாப்பு படை குடியிருப்பாளர்களை எச்சரித்த பின்னர், அப்பகுதியில் தொடர்ச்சியான தாக்குதல்கள் நடத்தப்பட்டு வருகின்றமை குறிப்பிடத்தக்கது.
இரண்டாம் இணைப்பு
தெஹரான் பகுதியில் இஸ்ரேல் தொடர் வான்வழி தாக்குதல்களை நடத்தி வருவதாக இஸ்ரேலிய பாதுகாப்புப் படை(IDF) அறிவித்துள்ளது.
இந்த நிலையில், ஈரானிய தலைநகரின் சில பகுதிகளில் வெடிப்பு சத்தங்கள் கேட்டதாக ஈரானிய ஊடகங்கள் செய்தி வெளியிட்டுள்ளன.
தெஹ்ரானின் 18ஆவது மாவட்டத்தில் வசிப்பவர்களுக்கு ஐடிஎஃப் சற்று முன்னர், உடனடியாக வெளியேறமாறு எச்சரிக்கை விடுத்திருந்தமை குறிப்பிடத்தக்கது.
Tehran being bombed pic.twitter.com/P2vyQM8Uzc
— Dustin (@systematictism) June 17, 2025
முதலாம் இணைப்பு
அடுத்து இலக்கு தொடர்பான வரைபடமொன்றை வெளியிட்டுள்ள இஸ்ரேல் பாதுகாப்பு படை, தெஹரானில் இருந்து தெஹ்ரான் நகரின் மாவட்டம் 18-இல் உள்ள பொதுமக்கள் மற்றும் ஊழியர்களுக்கு உடனடி எச்சரிக்கை விடுத்துள்ளது.
இதன்படி, சில மணிநேரங்களில் தாக்குதல் நடத்தப்படவுள்ளதாகவும் அங்கிருந்து உடனடியாக வெளியேறுமாறும் அறிவிக்கப்பட்டுள்ளது.
அதன்போது, “அனைத்து குடிமக்கள் மற்றும் அந்தப் பகுதியிலுள்ள பணியாளர்கள், உங்கள் பாதுகாப்பு மற்றும் உயிர் நலனை கருத்தில் கொண்டு, தெஹ்ரான் மாவட்டம் 18-இல் குறிப்பிடப்பட்டுள்ள பகுதிகளிலிருந்து உடனடியாக வெளியேறவும்,” என அறிவுறுத்தப்பட்டுள்ளது.
நேரடியான ஆபத்து
இஸ்ரேலிய ராணுவம் கடந்த சில நாட்களில் தெஹ்ரான் சுற்றியுள்ள பகுதிகளில் தாக்குதல்களை மேற்கொண்டதற்கேற்ப, இந்த நடவடிக்கையும் அதே முறையில் தொடரும் எனத் தெரியவருகிறது.
🔴 هشدار فوری به کارکنان و نیز کلیه افرادی که در منطقه ۱۸ تهران بر اساس ناحیه مشخص شده بر روی نقشه ضمیمه قرار دارند.
— ارتش دفاعی اسرائیل | IDF Farsi (@IDFFarsi) June 17, 2025
⭕️ طی ساعات آینده ارتش اسرائیل در این ناحیه همچنان که طی روزهای اخیر در محدوده تهران عمل نموده است، برای حمله به زیرساختهای نظامی رژیم ایران وارد عمل خواهد شد.… pic.twitter.com/kBEopT13ZR
இந்த நிலையில், “இந்நகர்பகுதி உங்கள் இருப்பு, உங்கள் உயிருக்கு நேரடியான ஆபத்தை ஏற்படுத்தும்,” என எச்சரிக்கையாக தெரிவிக்கப்படுகிறது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
குருதியில் நனைந்த தம்பலகாமம்…!
1 நாள் முன்
4th ward,Puthukkudiyiruppu, Mullaitivu, London, United Kingdom
04 Feb, 2011
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
கரணவாய், கண்டி, Enugu, Nigeria, Toronto, Canada, Los Angeles, United States
28 Jan, 2026
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, கிளிநொச்சி, Islington, United Kingdom
28 Jan, 2026
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
