யாழில் அனுமதியின்றி அழிக்கப்பட்ட நூற்றாண்டு கடந்த வேப்பமரம்: நடவடிக்கை எடுக்க தயங்கும் அதிகாரிகள்

Jaffna Government Of Sri Lanka Northern Province of Sri Lanka

By Laksi May 07, 2024 02:19 PM GMT

Laksi

in சமூகம்

Report

யாழில் நூற்றாண்டு கடந்த வேப்பமரம் ஒன்று சட்டவிரோதமாக அழிக்கப்பட்ட நிலையில் பொறுப்பு வாய்ந்த அதிகாரிகள் நடவடிக்கை எடுப்பதற்கு மௌனம் காப்பதாக குற்றச்சாட்டுகள் எழுந்துள்ளது.

யாழ்ப்பாணம்(jaffna)- உடுவில்(Uduvil) பிரதேச செயலாளர் பிரிவிற்குட்பட்ட இணுவில்(Inuvil )பகுதியில் உள்ள மத ஸ்தாபனம் ஒன்றின் வளாகத்திலேயே குறித்த சம்பவம் இடம்பெற்றுள்ளது.

அமெரிக்கன் மிசனரிகள் காலத்தில் சுற்று சூழலை பாதுகாக்கும் நோக்குடன் இந்த பகுதியில் பல்வேறு மரங்கள் நாட்டப்பட்டுள்ளன.

அனுமதியின்றி அழிக்கப்பட்ட வேம்பு

இந்நிலையில், அப்பகுதிக்கு பொறுப்பாக உள்ள ஒருவரால் சில மரங்கள் வளாகத்தில் இடையூறாக உள்ளதாக தெரிவித்து கிராம சேவையாளர் ஊடாக அகற்றுவதற்கான அனுமதி கோரப்பட்டுள்ளது.

யாழில் அனுமதியின்றி அழிக்கப்பட்ட நூற்றாண்டு கடந்த வேப்பமரம்: நடவடிக்கை எடுக்க தயங்கும் அதிகாரிகள் | Jaffna Oldest Tree Has Been Cut Illeagally

இதனை தொடர்ந்து, அனுமதியை தவறாக பயன்படுத்தி, அனுமதி வழங்கப்படாத வேம்பு ஒன்று அகற்றப்பட்டுள்ளதுடன் சுமார் 80,000 ரூபாவிற்கு குறித்த வேம்பு விற்பனை செய்யப்பட்டுள்ளதாகவும் கூறப்பட்டுள்ளது.

கடந்த 30ஆம் திகதியன்று இடம்பெற்ற இச்சம்பவம் தொடர்பில் அவதானித்த மற்றுமொரு நபர் புகைப்படங்கள் எடுத்துள்ளதுடன், ஆதீன பொருளாளர் மற்றும் சொத்து பாதுகாப்பு அலுவலரிடம் வினவியுள்ளார்.

உரிய நடவடிக்கை

இந்த சம்பவத்துடன் தொடர்புடைய நபர், முறையாக அனுமதி பெறப்பட்டே மரம் வெட்டப்பட்டதாகவும், பேராயரும், செயலாளரும் அனுமதித்ததாகவும் கூறுவதுடன் சட்ட ரீதியான அனுமதிக்கான ஆவணங்களையும் காண்பிக்க மறுத்துள்ளார்.

இந்நிலையில், இவ்விடயம் குறித்து உடுவில் பிரதேச செயலாளர், மரம் வெட்டுவதற்கான அனுமதி கோரப்பட்ட நிலையில் மரங்களை பார்வையிட்ட பின்னர் அனுமதி வழங்கப்பட்டதாகவும், வெட்டப்பட்ட மரத்துக்கு அனுமதி கோரப்படவில்லை எனவும் தெரிவித்துள்ளார்.

அதேவேளை, சம்பவம் தொடர்பில் அதிகாரிகளும், ஆதீனமும் மௌனம் காப்பதானது எதிர்காலத்தில் சட்ட விரோத செயற்பாடுகளுக்கு மேலும் வழியமைத்துக் கொடுக்கும் என சுட்டிக்காட்டப்படுகிறது.