யாழில் நிதி ஒதுக்கியும் முடங்கிய திட்டம்: மாநகர சபை உறுப்பினர் குற்றச்சாட்டு

Sri Lankan Tamils Tamils Jaffna Sri Lanka

By Theepan Oct 06, 2026 04:16 PM GMT

Theepan

in சமூகம்

Report

யாழ் மாநகர சபைக்கு உட்பட்ட 18 ஆம் வட்டாரத்துக்கு உற்பட்ட விவேகானந்தர் தெரு வீதிக்கான புனரமைப்புக்கு நிதி ஒதுக்கீடு செய்யப்பட்டு திட்டம் ஆரம்பிக்கப்படவில்லலை என குற்றச்சாட்டப்பட்டுள்ளது.

குறித்த குற்றச்சாட்டை மாநகர சபை உறுப்பினர் பிங்காலன் முன்வைத்துள்ளார்.

இது தொடர்பில் அவர் மேலும் தெரிவிக்கையில், “குறித்த வீதியானது மழைக்காலத்தில் வெள்ள நீர் நிரம்புவதால் அவ்வீதியால் பயணிக்கும் மக்கள் பாரிய இன்னல்களை அனுபவித்து வருகின்றனர்.

மக்களின் கோரிக்கை

மக்களின் கோரிக்கைக்கு இணங்க எனது வட்டாரத்துக்கு ஒதுக்கீடு செய்யப்பட்ட நிதியினை வீதிப் புனரமைப்பு முழுமையாக வழங்கிய போதும் திட்டம் ஆரம்பிக்கப்படவில்லை.

யாழில் நிதி ஒதுக்கியும் முடங்கிய திட்டம்: மாநகர சபை உறுப்பினர் குற்றச்சாட்டு | Jaffna Road Project Delayed Despite Funds

நேற்று முன்தினம் ஞாயிற்றுக்கிழமை பெய்த சில மணி நேர மழைக்குள் கடல் போல் குறித்த வீதி காட்சியளிக்கின்ற நிலையில் மாரி காலத்தில் மக்கள் செல்ல முடியாத வீதியாக காணப்படுகிறது.

ஆகவே மாநகர சபை அதிகாரிகள் குறித்த வீதிப் புனரமைப்பை மழைக்காலம் ஆரம்பிப்பதற்கு முன்னர் புனரமைத்து முடிக்க நடவடிக்கை எடுக்க வேண்டும்” என அவர் தெரிவித்துள்ளார்.