டித்வா பேரிடரால் கண்டி மாவட்டத்தில் அதிகரித்த உயிரிழப்பு

Kandy Floods In Sri Lanka Cyclone Ditwah

By Sumithiran Dec 11, 2025 10:56 AM GMT

Sumithiran

in இயற்கை

Report

டித்வா சூறாவளியால் ஏற்பட்ட கனமழையால் அதிக சேதத்தை சந்தித்த கண்டி மாவட்டத்தில், இதுவரை (11) 240 பேரிடர் இறப்புகள் மற்றும் 75 பேர் காணாமல் போயுள்ளதாக அனர்த்த முகாமைத்துவ மத்திய நிலையத்தின் கண்டி மாவட்ட துணை பணிப்பாளர் இந்திக ரணவீர தெரிவித்தார்.

கண்டி மாவட்டத்தில் இன்றைய (11) நிலவரப்படி 54,988 குடும்பங்களைச் சேர்ந்த 1,89,265 பேர் பாதிக்கப்பட்டுள்ளதாக அவர் மேலும் தெரிவித்தார்.

இடப்பெயர்வு

20,155 குடும்பங்களைச் சேர்ந்த 70,282 பேர் இடம்பெயர்ந்துள்ளதாகவும், 6,097 குடும்பங்களைச் சேர்ந்த 21,456 பேர் 261 பாதுகாப்பான இடங்களில் தங்க வைக்கப்பட்டுள்ளதாகவும் துணை பணிப்பாளர் இந்திக ரணவீர மேலும் தெரிவித்தார்.

டித்வா பேரிடரால் கண்டி மாவட்டத்தில் அதிகரித்த உயிரிழப்பு | Kandy Disaster Deaths Reach 240 75 Still Missing

12,974 குடும்பங்களைச் சேர்ந்த 45,732 பேர் உறவினர் வீடுகளில் வசித்து வருவதாக அவர் கூறினார். கண்டி மாவட்டத்தில், 2263 வீடுகள் முற்றிலுமாக அழிக்கப்பட்டுள்ளன, மேலும் 14,735 வீடுகள் பகுதியளவு சேதமடைந்துள்ளன என்று அவர் மேலும் கூறினார்.

மக்களுக்கு நிவாரணம் வழங்கும் பணி

கண்டி மாவட்ட செயலாளர் இந்திக உடவத்தவின் அறிவுறுத்தலின் பேரில், அனர்த்த முகாமைத்துவ மத்திய நிலையம் மற்றும் சம்பந்தப்பட்ட மாவட்ட செயலகங்களின் உதவியுடன் பாதிக்கப்பட்ட மக்களுக்கு நிவாரணம் வழங்கும் பணிகள் மேற்கொள்ளப்பட்டு வருவதாக ரணவீர மேலும் தெரிவித்தார்.