காசா - இஸ்ரேல் மோதலை நிறுத்த ஐ.நா பாதுகாப்பு சபையை தலையிடுமாறு கோரி மகஜர் கையளிப்பு
பலஸ்தீன், காசாவில் மனிதாபிமானமற்ற முறையில் இஸ்ரேல் முன்னெடுத்து வரும் மனித படுகொலையையும், கொடுர தாக்குதல்களையும் உடனடியாக நிறுத்த ஐ.நா பாதுகாப்பு சபை தலையிட வேண்டும் என்ற கோரிக்கையை முன்வைத்து மகஜர் ஒன்று கையளிக்கப்படவுள்ளது.
நாடாளுமன்ற உறுப்பினர்கள் 160 இற்கு மேற்பட்டோரின் கையெழுத்துடன் தயாரிக்கப்பட்ட இந்த மகஜர் இன்று (14) கொழும்பில் அமைந்துள்ள ஐ. நா அலுவலகத்தில் கையளிக்கப்படவுள்ளது.
ஐ.நா அதிகாரிகளிடம் கையளிப்பு
இந்த மகஜரை அகில இலங்கை மக்கள் காங்கிரஸ் தலைவரும் முன்னாள் அமைச்சருமான நாடாளுமன்ற உறுப்பினர் றிசாட் பதியுதீன், சிறிலங்கா முஸ்லிம் காங்கிரஸ் பிரதித்தலைவரும் முன்னாள் இராஜாங்க அமைச்சருமான நடாளுமன்ற உறுப்பினர் சட்டதரணி எச்.எம்.எம். ஹரீஸ், அனுராதபுர மாவட்ட நாடாளுமன்ற உறுப்பினர் இசாக் ரஹ்மான் ஆகியோர் இன்று ஐ.நா அதிகாரிகளிடம் கையளிக்கவுள்ளனர்.
இந்த மகஜரில் முன்னாள் அதிபர்களான மகிந்த ராஜபக்ச, மைத்திரிபால சிறிசேன, எதிர்க்கட்சி தலைவர் சஜித் பிரேமதாச உட்பட கட்சி தலைவர்கள், முன்னாள், இந்நாள் அமைச்சர்கள், சிரேஷ்ட நாடாளுமன்ற உறுப்பினர்கள் என பலரும் கையெழுத்திட்டுள்ளமை குறிப்பிடத்தக்கதாகும்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
