இம்ரான் கானுக்கு ஆதரவாக மேலும் பல கிரிக்கெட் வீரர்களின் குரல் .

சிறையில் உள்ள, பாக்கிஸ்தானின் முன்னாள் பிரதமரும், புகழ்பெற்ற கிரிக்கெட் வீரருமான இம்ரான் கானின் உடல்நிலை மற்றும் அவருக்கு அளிக்கப்படும் சிகிச்சை குறித்து, பாகிஸ்தான் கிரிக்கெட்டின் முக்கியப் பிரமுகர்கள் பலர் பகிரங்கமாகப் பேசத் தொடங்கியுள்ளனர்.

1992 உலகக் கோப்பையை வென்ற தலைவரின் சிகிச்சை குறித்து சமீபத்தில் உணர்ச்சிப்பூர்வமான பொது வேண்டுகோளை விடுத்திருந்த அவரது மகனான முன்னாள் சக வீரர் ஜாவேத் மியாந்தாத்துடன் இணைந்து, இந்த குரல்கள் எழுப்பப்பட்டுள்ளன.

இதன்படி பாகிஸ்தானின் முன்னாள் அணி தலைவர் மொயின் கான் தற்போது இம்ரானுக்கு முறையான மருத்துவ சிகிச்சை அளிக்கப்பட வேண்டும் என்று அழைப்பு விடுத்துள்ளார்.

மணிக்கு மணி அதிகரித்துக்கொண்டே போகும் நேபாள பேரவலத்தின் பலி எண்ணிக்கை

உலகக் கோப்பையை வென்ற தலைவர்

1992-ல் இம்ரானின் தலைமையிலான உலகக் கோப்பையை வென்ற பாகிஸ்தான் அணியில் அங்கம் வகித்த மொயின், தனது தலைவரின் உடல்நிலை குறித்து கவலை தெரிவித்ததோடு, அவருக்கு உரிய மருத்துவ சிகிச்சை அளிக்கப்பட வேண்டும் என்றும் கூறியுள்ளார்.

இம்ரானுக்கு என்ன செய்யப்படுகிறது என்று கேள்வி எழுப்பியும், அவரை விடுதலை செய்யக் கோரியும் மியாண்டாத் பகிரங்கமாகக் கருத்து தெரிவித்ததைத் தொடர்ந்து இவரது தலையீடு அமைந்துள்ளது.

சுனில் கவாஸ்கர், கபில் தேவ், ஆலன் பார்டர், கிரெக் சேப்பல், இயன் சேப்பல், கிளைவ் லாயிட் மற்றும் இலங்கையின் அர்ஜுன ரணதுங்க உள்ளிட்ட முன்னாள் சர்வதேச அணித் தலைவர்கள் குழுவும், இம்ரானுக்கு உரிய மருத்துவ சிகிச்சை கிடைப்பதை உறுதி செய்யுமாறு பாகிஸ்தான் பிரதமர் ஷெபாஸ் ஷெரீப்பிடம் வேண்டுகோள் விடுத்துள்ளனர்.

சர்வதேசத்துக்கு சவாலாகும் மத்திய கிழக்கு ஒப்பந்தங்கள்! ஈரான் விடுத்துள்ள எச்சரிக்கை