அதிவேக வீதியில் கோரவிபத்து : தாயும் மகளும் ஸ்தலத்தில் பலி : பலர் காயம்
தெற்கு அதிவேக நெடுஞ்சாலையின் குருந்துகஹ ஹடெக்ம பகுதியில் நேற்று முன் தினம் (3ஆம் திகதி) இரவு பாரவூர்தியும் சொகுசு வானும் மோதியதில் ஒரே குடும்பத்தைச் சேர்ந்த தாயும் மகளும் உயிரிழந்துள்ளதுடன் நால்வர் படுகாயமடைந்துள்ளதாக குருந்துகஹ ஹடெக்ம போக்குவரத்து காவல்துறையினர் தெரிவித்தனர்.
அம்பலாந்தோட்டை பாரகம பகுதியைச் சேர்ந்த 31 வயதான இரேஷா மது மற்றும் 51 வயதான சீதா சொய்சா ஆகிய இருவருமே விபத்தில் உயிரிழந்துள்ளனர்.
உயிரிழந்த பெண், பைபாஸ் சத்திரசிகிச்சைக்கு உள்ளாகி
காயமடைந்தவர்களில் ஒன்றரை வயது சிறுமி, பதின்மூன்று வயது சிறுவன், வான் சாரதி மற்றும் மற்றுமொரு நபர் அடங்குவதாக காவல்துறையினர் தெரிவித்தனர்.
இந்த விபத்தில் வானில் பயணித்த அனைவரும் படுகாயமடைந்துள்ளதாக காவல்துறையினர் தெரிவிக்கின்றனர்.
உயிரிழந்த 51 வயதுடைய பெண், பைபாஸ் சத்திரசிகிச்சைக்கு உள்ளாகி கொழும்பில் உள்ள வைத்தியரிடம் சிகிச்சை பெற்றுவிட்டு வீடு திரும்பும் வழியில் மாத்தறை நோக்கி மளிகைப் பொருட்களை ஏற்றிச் சென்ற பாரவூர்தியின் பின்புறம் மோதியதில் இந்த விபத்து இடம்பெற்றுள்ளதாக காவல்துறையினர் தெரிவித்தனர்.
சம்பவ இடத்திற்கு விரைந்த விசேட அதிரடிப்படையினர்
விபத்து நடந்த உடனேயே சம்பவ இடத்திற்கு வந்த உயிர் காக்கும் காவல்துறை விசேட அதிரடிப்படையின் அதிகாரிகள் குழுவினர் வானுக்குள் சிக்கியிருந்தவர்களை மிக பிரயத்தனமாக வெளியில் எடுத்து வைத்தியசாலைக்கு கொண்டு செல்ல நடவடிக்கை எடுத்துள்ளனர்.
இதில் 51 வயதுடைய பெண் ஏற்கனவே உயிரிழந்துள்ளதாக காவல்துறையினர் தெரிவிக்கின்றனர்.
காயமடைந்தவர்கள்
காயமடைந்தவர்கள் எல்பிட்டிய வைத்தியசாலையில் அனுமதிக்கப்பட்டனர். வான் சாரதி கவனக்குறைவாக வாகனத்தை செலுத்தியதே விபத்துக்கு காரணம் என காவல்துறையினர் தெரிவிக்கின்றனர்.
இந்த விபத்தில் வான் பலத்த சேதமடைந்துள்ளது நெடுஞ்சாலை குருந்துகஹா போக்குவரத்து காவல்துறை பொறுப்பதிகாரி பிரதான ஆய்வாளர் சுசந்த மற்றும் காவல்துறையினர் பரிசோதகர் சர்மிந்தா ஆகியோர் விசாரணைகளை மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
