க்ளீன் சிறிலங்காவிற்கு எதிராக திரும்பும் மக்கள்: காய் நகர்த்த ஆரம்பித்த நாமல்
அநுர அரசாங்கத்தின் க்ளீன் சிறிலங்கா திட்டத்தின் மூலம் போக்குவரத்து வாகனங்களுக்கு விதிக்கப்படும் கட்டுப்பாடுகளுக்கு பெரும்பாலான மக்களினால் எதிர்ப்பு தெரிவிக்கப்பட்டு வருகிறது.
இவ்வாறனதொரு பின்னணியில், இந்த விடயம் தொடர்பில் மக்களுக்கு சார்பான முறையில் சிறிலங்கா பொதுஜன பெரமுனவின் தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ச (Namal Rajapaksa) கருத்து வெளியிட்டுள்ளார்.
மக்களுக்கு பாதிப்பு
இதன்படி, மக்களுக்கு ஆபத்தை ஏற்படுத்தாத வகையில் பேருந்துகள் மற்றும் முச்சக்கரவண்டிகளை அலங்கரிப்பதற்கு குறிப்பிட்ட விதிகளுக்கு உட்பட்டு அனுமதி வழங்கப்பட வேண்டுமென நாமல் ராஜபக்ச வலியுறுத்தியுள்ளார்.
பேருந்து, முச்சக்கரவண்டிகளை அலங்கரிப்பது தனித்தொழில், அதேபோல் கலை என்றும் கூறிய அவர், மக்களுக்கு பாதிப்பு ஏற்படாத பட்சத்தில் பேருந்து, முச்சக்கரவண்டிகளை அலங்கரிப்பதில் எந்தப் பிரச்சனையும் இல்லை என தெரிவித்துள்ளார்.
போக்குவரத்து விதிகளை மீறும் சட்டங்களும், மக்களுக்கு அசௌகரியத்தை ஏற்படுத்தும் நடவடிக்கைகளுக்கான சட்டங்களும் அவ்வாறே நடைமுறைபடுத்த வேண்டுமென்றும் அவர் சுட்டிக்காட்டியுள்ளார்.
கோரிக்கை
எனினும், மக்களுக்கு பாதிப்பில்லாத வகையில் அழகுபடுத்தும் நடவடிக்கையில் ஈடுபட்டுள்ள பேருந்துகள் மற்றும் முச்சக்கர வண்டிகளுக்கு நிவாரணம் வழங்குமாறு கோரிக்கை விடுப்பதாகவும் நாடாளுமன்ற உறுப்பினர் நாமல் கேட்டுக்கொண்டுள்ளார்.
வீதி அனுமதிப்பத்திரம், பேருந்து அனுமதிப்பத்திரம் போன்றவற்றுக்கு மீறி செல்லாத பேருந்துகளை அலங்கரிப்பது தவறில்லை எனவும் அவர் சுட்டிக்காட்டியுள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 2ம் வட்டாரம், Netherland, United States, Switzerland, United States
09 Jan, 2015
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
நெடுந்தீவு, யாழ்ப்பாணம், மாத்தளை, மட்டக்களப்பு, கல்முனை, கிளிநொச்சி, கொழும்பு
05 Jan, 2025
புங்குடுதீவு, Le Blanc-Mesnil, France
09 Dec, 2022
Klang, Malaysia, யாழ்ப்பாணம், கலிஃபோர்னியா, United States
08 Jan, 2022
