சர்வதேசச் சந்தையில் கச்சா எண்ணெய் விலை 10 வீதம் சரிவு!

United States of America Israel Iran Middle East World

By Shalini Balachandran Apr 17, 2026 04:59 PM GMT

Shalini Balachandran

in உலகம்

Report

உலகச் சந்தையில் கச்சா எண்ணெயின் விலை 10 சதவீதத்திற்கும் அதிகமான பாரிய வீழ்ச்சியைப் பதிவு செய்துள்ளதாக சர்வதேச ஊடகங்கள் செய்தி வெளியிட்டுள்ளன.

ஹோர்முஸ் நீரிணை கப்பல் போக்குவரத்துக்காக முழுமையாகத் திறக்கப்பட்டதைத் தொடர்ந்து இந்த வீழ்ச்சி பதிவாகியுள்ளது.

இந்த நீரிணை மீண்டும் முழுமையாகச் செயற்படத் தொடங்கியுள்ளமை உலகளாவிய எரிசக்தி விநியோகம் குறித்த கவலைகளைத் தணித்துள்ளதுடன் சந்தையில் நம்பிக்கையை ஏற்படுத்தியுள்ளது.

சந்தையில் நம்பிக்கை

இந்தநிலையில், பிரெண்ட் (Brent) கச்சா எண்ணெய் ஜூன் மாத விநியோகத்திற்கான விலை 10.42 சதவீதத்தால் வீழ்ச்சியடைந்து ஒரு பீப்பாய் 89.03 அமெரிக்க டொலராகப் பதிவாகியுள்ளது.

சர்வதேசச் சந்தையில் கச்சா எண்ணெய் விலை 10 வீதம் சரிவு! | Oil Prices Price Drop Strait Of Hormuz Opens

வெஸ்ட் டெக்சாஸ் இன்டர்மீடியட் (WTI) மே மாத விநியோகத்திற்கான விலை 11.11 சதவீதத்தால் குறைவடைந்து ஒரு பீப்பாய் 84.17 அமெரிக்க டொலராக நிலவுகிறது.

உலகின் மிக முக்கியமான கடல்சார் வர்த்தகப் பாதைகளில் ஒன்றான ஹோர்முஸ் நீரிணை திறக்கப்பட்டமை அண்மைக்காலமாக எரிசக்திச் சந்தையில் நிலவி வந்த தளம்பல் நிலையைச் சீர்செய்யும் என எதிர்பார்க்கப்படுகின்றமை குறிப்பிடத்தக்கது.