மக்களே அவதானம் : டெங்கு பிரதேசங்களை ட்ரோன்கள் மூலம் சுற்றிவளைக்கும் அரச அதிகாரிகள்
நாடு தழுவிய டெங்கு ஒழிப்பு திட்டத்தின் ஆறாவது நாளில், இலங்கை சுகாதார அதிகாரிகள் கிட்டத்தட்ட 20,000 வலயங்களை ஆய்வு செய்து, நூற்றுக்கணக்கான நுளம்பு இனப்பெருக்கம் செய்யும் இடங்களை அடையாளம் கண்டுள்ளனர்.
ஜூன் 30 ஆம் திகதி தொடங்கிய இந்த திட்டம் சுகாதார அமைச்சர் நளிந்த ஜயதிஸ்ஸவின் (Nalinda Jayatissa) வழிகாட்டுதலின் கீழ் சுகாதார மற்றும் ஊடக அமைச்சினால் மேற்கொள்ளப்படுகிறது.
அதன்படி, ஒரு வார கால முயற்சியின் இறுதி நாளாக இந்த சனிக்கிழமை அமைந்ததாக அதிகாரிகள் தெரிவித்துள்ளனர்.
தேசிய டெங்கு கட்டுப்பாட்டு பிரிவு
தேசிய டெங்கு கட்டுப்பாட்டு பிரிவின் ஆலோசகர் அனோஜா தீரசிங்கவின் கூற்றுப்படி, நாடு முழுவதும் வெள்ளிக்கிழமை 19,774 இடங்கள் ஆய்வு செய்யப்பட்டுள்ளன.
அவற்றில், 5,085 இடங்களில் நுளம்பு இனப்பெருக்கம் செய்யக்கூடிய இடங்களாகக் கண்டறியப்பட்டுள்ளன. மழைக்காலத்தில் டெங்கு நோயாளிகள் அதிகரிப்பது குறித்த கவலைகள் அதிகரித்து வரும் நிலையில், சுகாதார அமைச்சு முயற்சிகளை முடுக்கிவிட்டுள்ளது.
நுளம்பு இனப்பெருக்கத்தைத் தடுக்க தங்கள் வீடுகளிலும் அதைச் சுற்றியுள்ள தேங்கி நிற்கும் நீர் ஆதாரங்களை அகற்றுமாறு சுகாதார அதிகாரிகள் பொதுமக்களை தொடர்ந்து வலியுறுத்தி வருகின்றனர்.
டெங்கு காய்ச்சல் என்பது நுளம்புகளால் பரவும் வைரஸ் நோயாகும், இது இலங்கையில், குறிப்பாக மழை மாதங்களில் குறிப்பிடத்தக்க பொது சுகாதார சவாலை ஏற்படுத்துகிறது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அநுர அரசாங்கத்தின் அமெரிக்க கனவு 1 நாள் முன்
யாழ்ப்பாணம், முகத்தான்குளம், செட்டிக்குளம், Liverpool, United Kingdom
20 Jun, 2025
வேலணை மேற்கு, வரக்காப்பொல, கிருலப்பனை, பரிஸ், France, Scarborough, Canada
26 Jun, 2024
வல்வெட்டித்துறை, கரவெட்டி, உடுப்பிட்டி, Trichy, British Indian Ocean Terr.
06 Aug, 2020
