டித்வா சூறாவளியால் 8 முதல் 9 பில்லியன் இழப்பை சந்தித்துள்ள பேராதனை பல்கலை

University of Peradeniya Disaster

By Dharu Dec 08, 2025 12:18 AM GMT

Dharu

in கல்வி

Report

டித்வா சூறாவளி மற்றும் வெள்ளம் காரணமாக பேராதனை பல்கலைக்கழகம் 8 முதல் 9 பில்லியன் ரூபாய் வரை இழப்பை சந்தித்துள்ளதாக பல்கலைக்கழக துணைவேந்தர் பேராசிரியர் டெரன்ஸ் மதுஜித் தெரிவித்துள்ளார்.

பேராதனைப் பல்கலைக்கழகத்தை மீண்டும் கட்டியெழுப்புவதில் பல்கலைக்கழகத்தை நேசிக்கும் அனைவரும் இணையுமாறு அவர் கோரிக்கை விடுத்துள்ளார்.

இந்த திடீர் பேரழிவால் பல்கலைக்கழக மேலாண்மை பீடம், வேளாண் பீடம், பல்கலைக்கழக வளாகம், விடுதி, பிரதான கணினி மையம், உட்புற விளையாட்டு அரங்கம், பராமரிப்பு பிரிவு மற்றும் பிற இடங்கள் வெள்ளத்தால் சேதமடைந்துள்ளதாக அவர் தெரிவித்துள்ளார்.

240 கணினிகள் சேதம்

மேலாண்மை பீட மாணவர்களின் வினாத்தாள்கள் மற்றும் ஆராய்ச்சி ஆய்வறிக்கைகள் உட்பட சேமித்து வைக்கப்பட்ட அனைத்தும் அழிக்கப்பட்டுவிட்டதாக பல்கலைக்கழக நிர்வாகம் கூறியுள்ளது.

டித்வா சூறாவளியால் 8 முதல் 9 பில்லியன் இழப்பை சந்தித்துள்ள பேராதனை பல்கலை | Peradeniya Un Which Suffered Loss Of 8 9 Billion

வெள்ளத்தால் பல்கலைக்கழகத்தில் 240 கணினிகள் சேதமடைந்துள்ளதாகவும் கூறப்படுகிறது. மேலும், விவசாய பீடத்தின் 6 ஆய்வகங்கள், அறிவியல் உபகரணங்கள், ஆராய்ச்சி ஆய்வகங்கள், இரசாயனங்கள், ஜெனரேட்டர்கள், தண்ணீர் இயந்திரங்கள் மற்றும் பல மதிப்புமிக்க சொத்துக்கள் அழிக்கப்பட்டுள்ளன.

2000 ஆம் ஆண்டு கட்டப்பட்ட பல்கலைக்கழக விளையாட்டு அரங்கமும் வெள்ளத்தால் சேதமடைந்துள்ளது.

வெள்ளம் காரணமாக கால்நடை மருத்துவ பீடமே அதிக நிதி சேதத்தை சந்தித்துள்ளதாக பல்கலைக்கழக நிர்வாகம் மேலும் கூறியுள்ளது.