காவல்துறையின் மோசமான தாக்குதல் : உடல் உறுப்பை இழந்தார் இளைஞன்
மதவாச்சி காவற்துறையின் போக்குவரத்து திணைக்கள அதிகாரிகள் இருவர் உட்பட ஆறு உத்தியோகத்தர்களால் மோசமாக தாக்கப்பட்டதாக கூறப்படும் சம்பவத்தில் படுகாயமடைந்த 23 வயதுடைய இளைஞர் ஒருவர் அனுராதபுரம் போதனா வைத்தியசாலையில் அனுமதிக்கப்பட்டுள்ளதாக காவல்துறை தகவல்கள் தெரிவிக்கின்றன.
மதவாச்சி துலாவெல்லிய பகுதியைச் சேர்ந்த திலிஷா சங்கீத் என்ற 23 வயதுடைய இளைஞனே காயமடைந்தவராவார்.
இந்த இளைஞனின் தந்தையும் காவல்துறை சார்ஜன்ட் ஆவார். கடந்த 7ம் திகதி இந்த தாக்குதல் நடந்தது.
விசேட விசாரணைகள் ஆரம்பம்
சம்பவம் தொடர்பில் கெபிதிகொல்லாவ சிரேஷ்ட காவல்துறை அத்தியட்சகர் மங்கள சமன் விக்கிரமநாயக்கவின் ஆலோசனையின் பேரில் விசேட விசாரணைகள் ஆரம்பிக்கப்பட்டுள்ளன.
இச்சம்பவம் தொடர்பில் மதவாச்சி காவல்துறை போக்குவரத்து பிரிவு அதிகாரிகள் இருவர் வேறு காவல் நிலையங்களுக்கு இடமாற்றம் செய்யப்பட்டுள்ளனர்.
தாயின் குற்றச்சாட்டு
இதேவேளை மதவாச்சி காவல்துறை உத்தியோகத்தர்கள் குழுவினால் மேற்கொள்ளப்பட்ட தாக்குதலின் காரணமாகவே தனது மகனின் விதைப்பையை சத்திரசிகிச்சை மூலம் அகற்ற நேரிட்டதாக அவரது தாய் குற்றஞ்சாட்டியுள்ளார்.
இளைஞன் தாக்கப்படவில்லை என்றும், அவரைக் கைது செய்யச் சென்றபோது அவர் ஆக்ரோஷமாக செயல்பட்டதாகவும் காவல்துறையினர் கூறுகின்றனர்.
பாரவூர்தியின் பின்னால் துரத்திச் சென்ற மதவாச்சி காவல்துறை போக்குவரத்து பிரிவு அதிகாரிகள் இருவர் பாரவூர்தியை நிறுத்தி தனது மகனையும் அவரது நண்பரையும் தாக்கியதாக இளைஞனின் தாய் கூறுகிறார்.
தாக்குதலுக்கு உள்ளான இளைஞன் தற்போது அனுராதபுரம் போதனா வைத்தியசாலையில் சிகிச்சை பெற்று வருகின்றார்.
காவல்துறையினர் தாக்குதல்
குறித்த இடத்திற்கு முச்சக்கர வண்டியில் வந்த காவல்துறை உத்தியோகத்தர்கள் குழுவொன்று தன்னையும் தனது நண்பரையும் கடுமையாக தாக்கியதாக அவர் கூறுகிறார்.
காவல்துறை தெரிவிக்கும் காரணங்கள்
இளைஞர்கள் இருவர் பயணித்த பாரவூர்தியை நிறுத்துமாறு கட்டளையிட்ட போதிலும், அவர்கள் தொடர்ந்து முன்னோக்கிச் சென்றதால் துரத்திச் சென்று கைது செய்ய நேரிட்டதாக மதவாச்சி காவல்துறையினர் தெரிவித்தனர்.
அப்போது அவர்களிடம் சட்டவிரோத மதுபானம் இருந்ததாகவும், வாகனத்தில் இருந்து அதனை வெளியே வீசியதாகவும் காவல்துறையினர் தெரிவித்தனர்.
இச்சம்பவத்தின் போது குறித்த இளைஞர் குடிபோதையில் இருந்ததாகவும் அவரிடம் செல்லுபடியாகும் சாரதி அனுமதிப்பத்திரம் இல்லை எனவும் காவல்துறையினர் தெரிவித்தனர். குறித்த இளைஞனின் இடது விதை சத்திரசிகிச்சை மூலம் அகற்றப்பட்டதாக அனுராதபுரம் போதனா வைத்தியசாலையின் பணிப்பாளர் டொக்டர் துலான் சமரவீர தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ் கோண்டாவில் வடக்கு, Jaffna, Wimbledon, United Kingdom, Barnet, United Kingdom
09 Apr, 2025
நுவரெலியா, மட்டக்களப்பு, கொழும்பு, Michigan, United States
11 Apr, 2025
வல்வெட்டித்துறை, யாழ்ப்பாணம், கொழும்பு, பிரித்தானியா, United Kingdom, Toronto, Canada
11 Apr, 2024
