தாதியர் பற்றாக்குறைக்கு தீர்வு : 515 பட்டதாரிகளுக்கு நிரந்தர நியமனம்

இலங்கையின் இலவச சுகாதார சேவையின் மனித வளம் மற்றும் வினைத்திறனை அதிகரிக்கும் நோக்கில், அறிவியல் துறை சார்ந்த பட்டப்படிப்பை நிறைவு செய்த 515 தாதியர்களுக்கு, தாதிய தரம்-IIIக்கான நியமனங்கள் வழங்கப்படவுள்ளதாக தகவல் வெளியாகியுள்ளது.

தாதியர் தர நிலை மற்றும் ஒருங்கிணைப்பு பயிற்சியை நிறைவு செய்துள்ள இந்த 515 பட்டதாரிகளுக்கும், நாளை (29) காலை 10 மணிக்கு கொழும்பு 7இல் அமைந்துள்ள அறக்கட்டளை நிறுவன வளாகத்தில் உத்தியோகபூர்வமாக நியமனக் கடிதங்கள் வழங்கப்படவுள்ளன.

சுகாதார மற்றும் வெகுஜன ஊடக அமைச்சர் நளிந்த ஜயதிஸ்ஸ தலைமையில் இந்த நிகழ்வு நடைபெறவுள்ளதாக தெரிவிக்கப்படுகின்றது.

வித்தியா கொலைக் குற்றவாளியின் இறுதிக்கிரியை குறித்து வெளியான தகவல்

43,553 தாதியர் அதிகாரிகள்

நியமனம் பெறவுள்ள இவர்கள் மத்திய அரசின் மேற்பார்வையின் கீழ் இயங்கும் பிரதான வைத்தியசாலைகள் மற்றும் போதனா வைத்தியசாலைகளுக்கு நியமிக்கப்படவுள்ளதாக சுகாதார அமைச்சு தெரிவித்துள்ளது.

அறிவியல் பிரிவில் மூன்றாம் நிலை பதவிகளுக்கான தாதியர் பட்டதாரிகளின் இறுதியான ஆட்சேர்ப்பு கடந்த 2021ஆம் ஆண்டில் நடைபெற்ற நிலையில் சுமார் ஐந்து ஆண்டுகள் இடைவெளிக்குப் பிறகு இந்த ஆட்சேர்ப்பு நடைபெறுவது ஒரு விசேட அம்சமாகும்.

நாட்டின் சுகாதார சேவையின் தற்போதைய தரவுகளின்படி, நாடு முழுவதும் உள்ள அரச சுகாதாரத்துறையில் 43,553 தாதியர் அதிகாரிகள் பணியாற்றி வருகின்றனர்.

டிக்கோயா இரட்டை படுகொலையாளி! காவல்துறை வெளியிட்டுள்ள முக்கிய தகவல்

தேசிய தாதியர் பயிற்சிக் கல்லூரி

சுகாதாரத் துறையில் ஏற்பட்டுள்ள மனிதவளப் பற்றாக்குறையைக் குறைக்கும் பொருட்டு, கடந்த இரண்டு ஆண்டுகளில் மட்டும் 3,441 மூன்றாம் நிலை தாதியர்கள் புதிதாக ஆட்சேர்ப்பு செய்யப்பட்டுள்ளதாக குறிப்பிடப்படுகின்றது.

எதிர்காலத்தில் நாட்டின் சுகாதார சேவையில் இணையும் நோக்குடன், நாடு முழுவதும் உள்ள தாதியர் கல்லூரிகளில் ஏறத்தாழ 7,800 மாணவர்கள் ஏற்கனவே தங்களது தொழில்முறைப் பயிற்சியைப் பெற்று வருகின்றனர்.

எதிர்கால மருத்துவ சேவைத் தேவைகளைக் கருத்தில் கொண்டு, தேசிய தாதியர் பயிற்சிக் கல்லூரிக்கு மேலும் 3,000 புதிய மாணவர்களை இணைத்துக்கொள்வதற்கு சுகாதார அமைச்சு அனுமதி பெற்றுள்ளதாக அந்த அறிக்கையில் தெரிவிக்கப்பட்டுள்ளமை குறிப்பிடத்தக்கது.

வெளிநாடொன்றிலிருந்து நாடுகடத்தப்பட்ட ஏழு இலங்கையர்கள்