அனோஜனை விடுதலை செய்யுமாறு கோரி யாழில் போராட்டம்
சவுதியில் மரணதண்டனை விதிக்கப்பட்ட அனோஜனை விடுதலை செய்யுமாறு கோரி யாழ்ப்பாணத்தில் அமைதி வழியிலான கவனயீர்ப்பு போராட்டம் ஒன்று முன்னெடுக்கப்பட்டது.
வடக்கு மாகாண ஐயப்ப இந்து இணையத்தின் ஏற்பாட்டில் நல்லூரில் அமைந்துள்ள நல்லை ஆதீனத்திற்கு முன்பாக இன்றையதினம் (22) இந்த கவனயீர்ப்பு போராட்டம் நடைபெற்றது.
இதன்போது, சவுதியில் மரண தண்டனை விதிக்கப்பட்ட அனோஜனுக்கு மன்னிப்பு வழங்கி விடுதலை செய்ய வழிகோல வேண்டும் என இலங்கை ஜனாதிபதி மற்றும் இந்திய பிரதமர் நரேந்திர மோடி ஆகியோரிடம் கோரிக்கை முன்வைக்கப்பட்டது.
மகஜர் கையளிக்க எற்பாடு
அந்தவகையில் இலங்கை ஜனாதிபதி மற்றும் இந்திய பிரதமர் நரேந்திர மோடி ஆகியோருக்கு மகஜரும் கையளிக்கப்பட ஏற்படாடு செய்யப்பட்டது.
இந்த நிலையில் நல்லை ஆதீனத்திற்கு முன்பாக ஆரம்பமான போராட்டமானது பேரணியாக யாழ். இந்திய துணை தூதரகம் வரை சென்று இந்திய பிரதமருக்கான கோரிக்கை மகஜர் தூதரகத்தில் கையளிக்கப்பட்டது.
இந்த கவனயீர்ப்பு போராட்டத்தில் இலங்கை தமிழரசு கட்சியின் பதில் தலைவர் சி.வி.கே.சிவஞானம், ஈ.பி.ஆர்.எல்.எவ்வின் தலைவர் சுரேஷ் பிரேமச்சந்திரன், தேசிய மகா சபையினர், முஸ்லிம் சகோதரர்கள், கிழக்கு மாகாண ஐயப்ப சுவாமி அமைப்பினர் மற்றும் பொதுமக்கள் என பலரும் கலந்துகொண்டமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
