76 ஆவது பிறந்த நாளை கொண்டாடினார் ரணில்
நாடு கொந்தளிப்பில் இருந்தபோது ரணில் விக்ரமசிங்க(ranil wickremesinghe) எடுத்த முடிவுகளால் இன்று மக்கள் வசதியாக வாழ்கிறார்கள் என்று பம்பரானந்த குருந்துறை பூர்வாராராம ராஜமகா விஹாரையின் தலைமை விகாராதிபதி வணக்கத்திற்குரிய தோடம்பஹல ராகுல நா தேரர் தெரிவித்தார்.
முன்னாள் ஜனாதிபதி ரணில் விக்ரமசிங்கவின் பிறந்தநாளை முன்னிட்டு சேதவத்தையில் உள்ள பண்டைய வெஹெரகொட விகாரையில் நடைபெற்ற மத விழாக்களில் பங்கேற்ற போதே வணக்கத்திற்குரிய ராகுல தேரர் இவ்வாறு தெரிவித்தார்.
ஐக்கிய மக்கள் சக்தி எம்.பியும் பங்கேற்பு
இந்த மத விழா, இட்டபனே, தம்மாலங்கார கோட்டேயில் உள்ள கல்யாணி சாமகிரி தர்ம மகா சங்க சபையின் மகா நா தேரரின் தலைமையில் நடைபெற்றது. சேதவத்த வெஹெரகொட ராஜமகா விஹாரையின் பிரதம விகாராதிபதி அம்பன்வல ஞானலோக தேரரின் தலைமையில் ஏற்பாடு செய்யப்பட்டன.
இந்த நிகழ்வில் ஐக்கிய மக்கள் சக்தியின் நாடாளுமன்ற உறுப்பினர் கவிந்த ஜெயவர்தன மற்றும் முன்னாள் ஐக்கிய மக்கள் சக்தியின் நாடாளுமன்ற உறுப்பினர் அஜித் மன்னப்பெரும ஆகியோரும் கலந்து கொண்டனர் என்பது குறிப்பிடத்தக்கது.
மகா சங்கத்தினருக்கான அன்னதான நிகழ்வொன்றும் இங்கு நடைபெற்றது, இதில் ரணில் விக்ரமசிங்கவும் கலந்து கொண்டார்.
நாட்டிற்கு பாதகமான எந்தவொரு முடிவையும் ஒருபோதும் எடுத்ததில்லை
இந்நிகழ்வில் உரையாற்றிய தொடம்பஹல ராகுல தேரர், ரணில் விக்ரமசிங்க நாட்டிற்கு பாதகமான எந்தவொரு முடிவையும் ஒருபோதும் எடுத்ததில்லை என்று மேலும் கூறினார்.நாட்டின் மகா சங்கத்தினரின் ஆசிர்வாதம் ரணில் விக்ரமசிங்கவுக்கு எப்போதும் இருக்கும் என்றும் வணக்கத்திற்குரிய ராகுல நா தேரர் கூறினார்.
இதேவேளை, ரணில் விக்ரமசிங்கவின் பிறந்தநாளை முன்னிட்டு அவருக்கு வாழ்த்து தெரிவிக்கும் நிகழ்ச்சி இன்று (24) காலை கொழும்பில் உள்ள அரசியல் அலுவலகத்தில் நடைபெற்றது, மேலும் பல அரசியல் தலைவர்கள் இந்த நிகழ்வில் பங்கேற்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பிரிட்டனின் தடை… சிறிலங்காவுக்கு அடுத்த நெருக்கடியா… 5 மணி நேரம் முன்
உலகில் பெண் விடுதலையை சாத்தியப்படுத்திய தலைவர் பிரபாகரன்…
2 வாரங்கள் முன்
திருநெல்வேலி கிழக்கு, ஆவரங்கால், Montreal, Canada, Ottawa, Canada
24 Mar, 2025
நெடுந்தீவு மேற்கு, உருத்திரபுரம், மல்லாவி, England, United Kingdom, Toronto, Canada
23 Feb, 2025
நாரந்தனை, யாழ்ப்பாணம், London, United Kingdom, Gloucester, United Kingdom, Lancaster, United Kingdom
23 Feb, 2025
