ரணிலின் யாழ் விஜயம்: பாதுகாப்புக்காக நீதிமன்றத்தை நாடிய காவல்துறை

Sri Lanka Police Jaffna

By Dilakshan Jan 02, 2024 04:32 PM GMT

Dilakshan

in சமூகம்

Report

யாழ்ப்பாணத்திற்கு அதிபர் ரணில் விக்ரமசிங்க விஜயம் செய்யவுள்ள நிலையில் அதற்கு எதிராக போராட்டங்கள் முன்னெடுக்கப்படலாம் என கருதி எட்டு பேருக்கு எதிராக யாழ்ப்பாணம் நீதிவான் நீதிமன்றத்தில் வழக்கு தாக்கல் செய்யப்பட்டுள்ளது.

யாழ்ப்பாணம் காவல்துறையினரால், இன்று (02) குறித்த வழக்கு தாக்கல் செய்யப்பட்டுள்ளது.

நீதிமன்றில் விண்ணப்பம்

அதிபர் ரணில் விக்ரமசிங்க யாழ்ப்பாணத்திற்கு விஜயம் செய்து பல்வேறு கலந்துரையாடல்களில் பங்கேற்பதற்காக 04ம் திகதி முதல் 07ம் திகதி வரை விஜயம் செய்யவுள்ளார்.

ரணிலின் யாழ் விஜயம்: பாதுகாப்புக்காக நீதிமன்றத்தை நாடிய காவல்துறை | Ranil Wickremesinghe S Visit Jaffna File Lawsuit

இந்நிலையில், அதிபருக்கு எதிர்ப்பு தெரிவிப்பதற்கான போராட்டத்தை தடுக்கும் பொருட்டு தடை கட்டளை கோரி காவல்துறையினர் நீதிமன்றில் விண்ணப்பித்துள்ளனர்.

வழக்கு தாக்கல்

இது தொடர்பில் தங்கள் தரப்பு நிலைப்பாட்டினை நேரடியாகவோ, சட்டத்தரணி ஊடாகவோ யாழ்ப்பாணம் நீதவான் நீதிமன்றில், புதன்கிழமை(03) மேற்கொள்ளுமாறு நீதிமன்றம் பிரதிவாதிகளுக்கு கட்டளையிட்டுள்ளது.

நாடாளுமன்ற உறுப்பினர்களான கஜேந்திரகுமார் பொன்னம்பலம், செல்வராஜா கஜேந்திரன், தவத்திரு வேலன் சுவாமிகள், காணாமலாக்கப்பட்டவர்களின் உறவுகள் சங்க பிரதிநிதிகள் என 8 பேருக்கு எதிராக வழக்கு தாக்கல் செய்யப்பட்டுள்ளது.