இலங்கைக்கான வாகன இறக்குமதி கட்டுப்பாடுகளால் ஏற்பட்டுள்ள சிக்கல்!
இலங்கைக்கு வாகனம் இறக்குமதி செய்வதற்கு விதிக்கப்பட்டுள்ள கட்டுப்பாடுகள் குறித்து பொருளாதார ஆய்வாளர் தனநாத் பெர்னாண்டோ கருத்து வெளியிட்டுள்ளார்.
அதன்படி, வாகன இறக்குமதிக்கு கட்டுப்பாடுகளை விதிப்பதன் மூலம் சந்தையில் கடுமையான சிக்கல்கள் உருவாகும் அபாயம் உள்ளதாக தெரிவித்துள்ளார்.
நாட்டின் வாகனத் தேவை தற்போது ஓரளவிற்குப் பூர்த்தியாகியுள்ளதால், கடந்த ஆண்டை விட இம்முறை வாகன இறக்குமதியின் மூலம் கிடைக்கும் வரி வருமானம் வீழ்ச்சியடையும் என்றும் அவர் மேலும் குறிப்பிட்டுள்ளார்.
சர்வதேச நாணய நிதியத்துடனான உடன்படிக்கை
இது குறித்து அவர் மேலும் தெரிவிக்கையில், எதிர்வரும் ஓகஸ்ட் மாதம் 15 ஆம் திகதிக்குப் பிறகு வாகன இறக்குமதி கொள்கையை நீட்டிப்பதா? இல்லையா? என்பது குறித்து அரசாங்கம் எடுக்கவிருக்கும் தீர்மானம் இதில் மிக முக்கியமானது.
சர்வதேச நாணய நிதியத்துடனான உடன்படிக்கைகளின்படி மேலதிக கூடுதல் கட்டணங்களை விதிக்க முடியாது என்றாலும், அரசாங்கம் இந்த கூடுதல் கட்டணங்களை நீக்கினால் மீண்டும் சந்தையில் ஒருவித அதிர்வு ஏற்பட வாய்ப்புள்ளது.
கடந்த காலங்களில் இருந்த வாகனங்களுக்கான கடும் தேவை தற்போது பெரும்பாலும் பூர்த்தியாகியுள்ளதாலும், இறக்குமதியாளர்கள் தேவையான அளவு வாகனங்களை இறக்குமதி செய்துள்ளதாலும் வாகனப் பதிவுகள் படிப்படியாகக் குறைந்து வருகின்றன. இதன் விளைவாக, வாகன இறக்குமதி வரி வருமானம் கடந்த ஆண்டின் நிலையை எட்டாது.
வரிகளை அறவிடுதல்
தற்போது வாகனங்களுக்கு 150 சதவீதம் மற்றும் 200 சதவீதம் போன்ற மிக அதிக இறக்குமதி வரி விதிக்கப்படுவதால், தொடர்ந்து இத்தகைய வரிகளை விதிப்பது நியாயமற்றது.
அரசாங்கம் ஒரே தரப்பினரிடமிருந்து தொடர்ந்து வரிகளை அறவிட்டு அவர்களைச் சிரமத்திற்கு உள்ளாக்காமல், அரச செலவினங்களைச் சரியாக முகாமைத்துவம் செய்ய வேண்டும்.
பொருளாதார வளர்ச்சிக்கான அத்தியாவசிய சீர்திருத்தங்களை விரைவுபடுத்துவதன் மூலம் வரி வருவாயை ஓரளவிற்கு அதிகரிக்க முடியும், இதன் மூலம் நாட்டின் பொருளாதாரம் முன்னோக்கிச் செல்லும் என்ற வலுவான சமிக்ஞையைச் சந்தைக்கு வழங்க முடியும்“ என அவர் மேலும் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 3ம் வட்டாரம், London, United Kingdom
13 Oct, 2024
