ரஷ்யா ஏவுகணைகள் மற்றும் ட்ரோன்களைக் கொண்டு உக்ரைனில் பயங்கர தாக்குதல்!

ரஷ்யா ஏவுகணைகள் மற்றும் ட்ரோன்களைக் கொண்டு உக்ரைனின் துறைமுகங்கள், தொழிற்பேட்டைகள் மற்றும் வர்த்தக விநியோக மையங்களை இலக்கு வைத்து பல மணிநேரம் தீவிர தாக்குதல் நடத்தியுள்ளதாக சர்வதேச ஊடகங்கள் தெரிவிக்கின்றன.

தலைநகர் கீவ் மற்றும் பிற நகரங்களை நோக்கி பாலிஸ்டிக் ஏவுகணைகள் மற்றும் 258 ட்ரோன்கள் மூலம் நடத்தப்பட்ட இந்த இரவுநேரத் தாக்குதல்களை உக்ரைனின் வான் பாதுகாப்புப் படையினர் பகுதியளவு முறியடித்துள்ளதாக தெரியவருகிறது.

பாலிஸ்டிக் மற்றும் ஹைப்பர்சோனிக் ஏவுகணைகளுடன் நடத்தப்பட்ட இத்தாக்குதலில் தானியக் கிடங்குகள் மற்றும் எரிசக்தி உள்கட்டமைப்புகளும் சேதமடைந்துள்ளதாக உக்ரைன் வெளியுறவு அமைச்சர் ஆண்ட்ரி சிபிஹா எக்ஸ் தளத்தில் குறிப்பிட்டுள்ளார்.

ஈரான் மீது அமெரிக்காவின் "Economic D-Day" தாக்குதல்!

சுட்டு வீழ்த்தப்பட்ட ஏவுகணைகள்

அமெரிக்கா வழங்கிய பேட்ரியாட் இடைமறிப்பு ஏவுகணைகளின் உதவியுடன், ஏழு பாலிஸ்டிக் ஏவுகணைகளை உக்ரைன் ராணுவம் சுட்டு வீழ்த்தியுள்ளதாக தெரிவிக்கப்படுகிறது.

Image Credit: kyivpost

இருப்பினும், இத்தகைய மேம்பட்ட பாதுகாப்பு ஏவுகணைகளின் பற்றாக்குறை உக்ரைனுக்குப் பெரும் சவாலாகவே உள்ளதாக கூறப்படுகிறது.

பிரித்தானியாவுக்கு எச்சரிக்கை 

இந்நிலையில், “ஸ்டார்ம் ஷேடோ” (Storm Shadow) ரக குரூஸ் ஏவுகணைகளை உக்ரைனே சொந்தமாக உற்பத்தி செய்ய தேவையான ரகசிய தொழில்நுட்பங்களை வழங்க பிரித்தானியா ஒப்புக்கொண்டுள்ளதாக தகவல்கள் தெரிவிக்கின்றன.

Image Credit: CNN

இதற்குப் பதிலடியாக, உக்ரைனுக்கு உள்ளேயும் வெளியேயும் உள்ள பிரித்தானிய ராணுவ இலக்குகள் மீது தாக்குதல் நடத்தக்கூடும் என ரஷ்யா எச்சரித்துள்ளது. 

ஒன்ராறியோ ஏரியின் பெயரை கையெழுத்திட்டு மாற்றினார் ட்ரம்ப்! மௌனத்தில் கனடா

ஈரான் - அமெரிக்க பேச்சுவார்த்தை! ட்ரம்ப்பை மையப்படுத்தி வெள்ளை மாளிகை அறிக்கை