மக்களுக்கு மகிழ்ச்சித் தகவல்! புதிய கிளைகளைத் திறக்கவுள்ளது லங்கா சதொச
Kathirpriya
in பொருளாதாரம்
லங்கா சதொச நிறுவனம் 2024 ஆம் ஆண்டின் முதல் காலாண்டில் ஐந்து புதிய மெகா கடைகளையும் பத்து வழக்கமான லங்கா சதொச கடைகளையும் திறக்க இலக்கு வைத்துள்ளதாக வர்த்தக, வர்த்தக மற்றும் உணவு பாதுகாப்பு அமைச்சர் நளின் பெர்னாண்டோ தெரிவித்தார்.
நேற்றைய தினம் (03) அதிபர் ஊடக மையத்தில் நடைபெற்ற ஊடகவியலாளர் மாநாட்டில் கலந்து கொண்டு உரையாற்றும் போதே அவர் இந்த விடயத்தினைக் கூறினார்.
இது குறித்து அவர் மேலும் கருத்துத் தெரிவிக்கையில்,
பொருட்களை தட்டுப்பாடு இல்லாமல் வாங்க
இந்த வருட (2024) இறுதிக்குள் லங்கா சதொச விற்பனை நிலைய வலையமைப்பை 500 விற்பனை நிலையங்களாக விரிவுபடுத்துவதற்கு திட்டமிடப்பட்டுள்ளது.
இந்த வலையமைப்பை 500 விற்பனை நிலையங்கள், நுகர்வோர் அரச மானிய விலையில் விற்கப்படும் பொருட்களை தட்டுப்பாடு இல்லாமல் வாங்குவதை முதன்மை இலக்காகக் கொண்டுள்ளது.
2024 ஆம் ஆண்டில் லங்கா சதொசவின் மொத்த வருமானத்தை கிட்டத்தட்ட 70 பில்லியன் ரூபாயாக உயர்த்துவதற்கு தீர்மானிக்கபட்டுள்ளது.
முழுமையாக கணினிமயமாக்கப்படும்
அதன்படி, இயக்க இலாபத்தினை கிட்டத்தட்ட1.5 பில்லியன் ரூபாயாகவும், பொருளாதார சவால்களுக்கு மத்தியில் நிறுவனத்தின் நிகர இலாபத்தினை 500 மில்லியன் ரூபாயாக பெற்றுக்கொள்வதற்கும் தீர்மானிக்கப்பட்டுள்ளது.
மேலும், நுகர்வோர் உரிமைகளை மேம்படுத்துவதை நோக்கமாகக் கொண்டு, நுகர்வோர் விவகார அதிகாரசபைக்கான புதிய திட்டமொன்றும் 2024 இல் எதிர்பார்க்கப்படுகிறது.
தவிரவும் இந்த ஆண்டின் (2024) முதல் நான்கு மாதங்களில் மக்களின் தேவைகளை பூர்த்தி செய்யும் வகையில் அளவீட்டு அலகுகள், தரநிலைகள் மற்றும் சேவைகள் திணைக்களம் என்பன முழுமையாக கணினிமயமாக்கப்படும்” என அமைச்சர் தெரிவித்தார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
