பலத்த பாதுகாப்புடன் நாடு திரும்பிய இலங்கை கிரிக்கெட் அணியினர்(படங்கள் )
ஐசிசி உலகக் கோப்பையில் தனது தகுதியை இழந்த இலங்கை கிரிக்கெட் அணி நாடு திரும்பிய நிலையில் பலத்த பாதுகாப்புக்கு மத்தியில் தனிப்பட்ட வாகனங்களில் பண்டாரநாயக்க சர்வதேச விமான நிலையத்தில் இருந்து வெளியேற்றப்பட்டனர்.
2023 இற்கான ஐசிசி உலகக் கோப்பையில் இலங்கை அணி விளையாடிய 9 போட்டிகளில் 2 போட்டிகளில் மாத்திரம் வெற்றிபெற்று மிக மோசமான முறையில் தனக்கான தகுதியினை இழந்துள்ளது.
பெங்களூரில் இருந்து
இந்நிலையில் இலங்கை கிரிக்கெட் அணி, இந்தியாவின் பெங்களூரில் இருந்து இன்று (10) அதிகாலை 05.05 மணிக்கு சிறிலங்கன் ஏர்லைன்ஸ் விமானமான UL-174 இல் நாடு திரும்பியுள்ளது.
விமானநிலையத்தினை வந்தடைந்த இலங்கை கிரிக்கெட் அணிக்கு சிறப்பு பேருந்து ஏற்பாடு செய்யப்பட்டிருந்த போதிலும் வீரர்களை பலத்த பாதுகாப்புடன் தனி வாகனங்களில் தங்களது வீடுகளுக்கு அனுப்பி வைக்கப்பட்டுள்ளனர்.
அவர்களை வரவேற்பதற்காக இலங்கை கிரிக்கெட் அதிகாரிகள், இலங்கை கிரிக்கெட் அணியின் வீரர்கள், பயிற்சியாளர்கள், மருத்துவர்கள் மற்றும் அதிகாரிகள் எனப் பலரும் விமான நிலையத்திற்கு வருகை தந்திருந்தமை குறிப்பிடத்தக்கது.
