ஆபத்தான கட்டத்தை எட்டிய போர்! பூமியை பிளக்கப் போகும் இஸ்ரேல்
இஸ்ரேல் - ஹமாஸ் மோதலானது ஆபத்தான கட்டத்தை எட்டியுள்ள நிலையில், இஸ்ரேல் ரகசிய ஆயுதம் ஒன்றை பயன்படுத்த திட்டமிட்டுள்ளதாகக் கூறப்படுகிறது.
காசா மீது இஸ்ரேல் கடந்த 7ஆம் திகதி முதல் கடுமையான தாக்குதலை முன்னெடுத்து வருகிறது.
எனினும், காசாவில் ஹமாஸ் அமைப்பினருக்கு உள்ள சுரங்கங்கள் இஸ்ரேலுக்கு கடும் சவாலாக உள்ளது.
புதுமையான ஆயுதம்
எனவே, இந்தச் சுரங்கங்களை முடக்கும் விதமாக புதுமையான ஆயுதம் ஒன்றை இஸ்ரேல் தயாரித்து வைத்துள்ளதாக தகவல்கள் வெளியாகியுள்ளது.
ஹமாஸ் அமைப்பினருக்கு எதிராக தரைவழி தாக்குதலுக்கு தயாராக இருக்கும் இஸ்ரேல், காசா நகருக்குள் பீரங்கிகளுடன் நேற்றும்(28) நுழைந்துள்ளது. எனினும், இஸ்ரேலுக்கு மிகப்பெரும் சவால இருப்பது ஹமாஸ் அமைப்பினரின் சுரங்கங்கள் தான். பல பணையக் கைதிகளை இந்த சுரங்கங்களில் தான் ஹமாஸ் அமைப்பினர் மறைத்து வைத்திருந்ததாக கூறப்படுகிறது.
80 மீட்டர் ஆழத்தில் பல நூறு கி.மீட்டர்களுக்கு ஹமாஸ் இயக்கத்தினருக்கு சுரங்கங்கள் உள்ளன. பாதாள உலகம் என்று சொல்லப்படும் அளவுக்கு ஹமாஸ் அமைப்பினருக்கு இந்தச் சுரங்கங்கள் முக்கிய பாதுகாப்பு கேடயமாக உள்ளது.
இந்த நிலையில் ஹமாஸ் அமைப்பினரின் சவாலை எதிர்கொள்ள இஸ்ரேல் ரகசிய ஆயுதம் ஒன்றை பயன்படுத்த திட்டமிட்டுள்ளதாக கூறப்படுகிறது.
இஸ்ரேலின் திட்டம்
அதாவது "sponge bombs" எனப்படும் புதிய குண்டுகளை இஸ்ரேல் தயாரித்து வைத்துள்ளதாக கூறப்படுகிறது. ஸ்பாஞ்ச் குண்டுகள் உடனடியாக வெடித்து நுரைகளை வெளியேற்றும். உடனடியாக இது அப்பகுதி முழுவதும் பரவி பிறகு கடினமான திரை போன்று மாறிவிடுமாம்.
இந்த இரசாயன குண்டுகளை இஸ்ரேல் பரிசோதித்து வருவதாக த டெலிகிராப் செய்தி வெளியிட்டுள்ளது.
இந்த இரசாயன குண்டுகளில் வெடிபொருள் எதுவும் இருக்காது. ஆனால், இடைவெளிகள் அல்லது சுரங்கங்களில் வாயில்களை முற்றிலும் சீல் வைக்க பயன்படுத்த முடியும் என்று கூறப்படுகிறது.
ஹமாஸ் அமைப்பினர் சுரங்கங்களில் இருந்து தாக்குதலை முன்னெடுப்பதை முடக்கும் விதமாக இந்த இரசயான குண்டுகளை பயன்படுத்த இஸ்ரேல் திட்டமிட்டிருப்பதாக சொல்லப்படுகிறது.
இஸ்ரேல் கண்டுபிடித்து வைத்திருக்கும் இந்தப் புதிய கருவிகள் பிளாஸ்டிக் கண்டெயினரில் பாதுகாக்கப்பட்டு வருவதாக சொல்லப்படுகிறது.
YOU MAY LIKE THIS
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
