இலங்கை தமிழரசு கட்சியை பாதுகாக்க புதிய தலைவர் கூறும் அறிவுரை!

Sri Lankan Tamils TNA Sri Lanka

By Kirupa Nov 14, 2023 11:09 AM GMT

Kirupa

in அரசியல்

Report

தமிழ் தேசியம் பாதுகாக்கப்பட வேண்டும் என்றால் தமிழரசு கட்சி பாதுகாக்கப்பட வேண்டும் என இலங்கை தமிழரசு கட்சியின் கொழும்பு மாவட்ட கிளையின் தலைவராக மீண்டும் தெரிவு செய்யப்பட்ட அதிபர் சட்டத்தரணி கே.வி.தவராசா சுட்டிக்காட்டினார்.

இலங்கை தமிழரசு கட்சி பாதுகாக்கப்பட வேண்டும் என்றால் தமிழ் தேசியவாதிகள் அர்ப்பணிப்போடு மக்களுக்கான அரசியல் செயற்பாடுகளில் ஈடுபட வேண்டும் எனவும் அவர் வலியுறுத்தினார்.

பெண் உறுப்பினர்

தமிழ் பேசும் மக்களில் ஒரு பெண் உறுப்பினர் கூட நாடாளுமன்றத்தில் அங்கம் வகிக்காதது மிகவும் கவலைக்குரிய விடயமாகும் எனவும் எதிர்காலத்தில் இந்த நிலை மாற்றப்பட வேண்டும் என்றும் கே.வி.தவராசா தெரிவித்துள்ளார்.

இலங்கை தமிழரசு கட்சியை பாதுகாக்க புதிய தலைவர் கூறும் அறிவுரை! | Tna New Leader Advice To Protect

மேலும் நடப்பாண்டு நிர்வாக குழு தமிழ் தேசியத்தை நிலை நிறுத்துவதில் அர்ப்பணிப்போடு பங்காற்றும் என்றும் அவர் மேலும் நம்பிக்கை வெளியிட்டுள்ளார்.

இலங்கை தமிழரசு கட்சியின் புதிய நிர்வாகக் குழு தெரிவு இலங்கை தமிழரசு கட்சியின் கொழும்பு மாவட்ட கிளையின் புதிய தலைவராக அதிபர் சட்டத்தரணி கே.வி.தவராசா மீண்டும் தெரிவுசெய்யப்பட்டுள்ளார்.

தமிழரசு கட்சி

கொழும்பு பம்பலபிட்டி சனசமூக நிலையத்தில் நேற்று (13) இடம்பெற்ற கூட்டத்தில் புதிய நிர்வாக குழு தேர்வு செய்யப்பட்டுள்ளது.

இதன் போது இலங்கை தமிழரசு கட்சியின் கொழும்பு மாவட்ட கிளையின் செயலாளராக மிதிலைச்செல்வி ஸ்ரீ பத்மநாதனும் உபதலைவர்களாக செ.திருச்செல்வன் க.நித்தியானந்தம் ஆகியோரும் தெரிவுசெய்யப்பட்டுள்ளனர்.

இவர்களை தவிர உபசெயலாளராக பத்மினி சதானந்தனும் பொருளாளராக ப.பரமேஸ்வரனும் உபபொருளாளராக சி.கந்தசாமியும் தேர்ந்தெடுக்கப்பட்டுள்ளனர்.

மேலும் இது தொடர்பான செய்திகளைப் படிக்க இங்கே கிளிக் செய்யவும்