22ஆவது திருத்தம், நீதித்துறை திருத்தச் சட்டமூலங்கள் மீதான விவாதம் ஆரம்பம்!

Parliament of Sri Lanka Sri Lanka Politician Current Political Scenario Jagath Wickramaratne

By Sathangani Sep 24, 2026 07:02 AM GMT

Sathangani

in அரசியல்

Report

புதிய இணைப்பு

22 ஆவது அரசியலமைப்புத் திருத்தச் சட்டமூலம் மற்றும் நீதித்துறை திருத்தச் சட்டமூலம் என்பன தொடர்பான நாடாளுமன்ற விவாதம் சற்று நேரத்திற்கு முன்னர் ஆரம்பமானது.

நீதி மற்றும் தேசிய ஒருமைப்பாட்டு அமைச்சர் சட்டத்தரணி ஹர்ஷண நாணயக்கார குறித்த சட்டமூலத்தை இரண்டாம் வாசிப்புக்காக நாடாளுமன்றத்தில் சமர்ப்பித்ததைத் தொடர்ந்து இந்த விவாதம் தொடங்கியது.

குறித்த விவாதத்தை ஆரம்பித்து வைத்து உரையாற்றிய அமைச்சர், தற்போதைய அரசாங்கம் மக்களின் ஆணைக்கு ஏற்ப செயற்படுகின்றது.

"எமது கொள்கைப் பிரகடனமான 'வளமான நாடு - அழகான வாழ்க்கை' என்பதன் 200 ஆம் பக்கத்தை எடுத்துப் பார்த்தால், நீதித்துறை மற்றும் சட்டக் கட்டமைப்பு தொடர்பில் எமது அடிப்படைக் கொள்கைகளாக எதனைக் குறிப்பிட்டுள்ளோம்? முதலாவது, சட்டத்தின் முன் சமமான மற்றும் நியாயமான பாதுகாப்பு; இரண்டாவது, வெளிப்படைத்தன்மை, செயல்திறன், சுயாதீனம் மற்றும் மக்கள் நம்பிக்கை.

இந்த அடிப்படைக் கொள்கைகளின் மீதே நீதித்துறை கட்டமைப்பை இயக்குவோம் என மக்களுக்கு வாக்குறுதி அளித்தோம். அந்த வாக்குறுதியின் ஒரு பகுதியை நிறைவேற்றும் நாளே இன்றைய நாள்; அதுவே இந்த இரு சட்டமூலங்களுமாகும்." என தெரிவித்தார்.

22ஆவது திருத்தம், நீதித்துறை திருத்தச் சட்டமூலங்கள் மீதான விவாதம் ஆரம்பம்! | Today Parliament Debate On 22Nd Amendment Bill

முதலாம் இணைப்பு

இன்றைய (24.09.2026) நாளுக்கான நாடாளுமன்ற நடவடிக்கைகள் சபாநாயகர் ஜகத் விக்ரமரத்ன (Jagath Wickramaratne) தலைமையில் சற்றுமுன்னர் ஆரம்பமாகியுள்ளன.

காலை 09.30க்கு ஆரம்பமான நாடாளுமன்ற அமர்வு மாலை 05.30 வரை நடைபெறவுள்ளது.

அதன்படி, காலை 9.30 மணி முதல் 10.00 மணி வரை நிலையியற் கட்டளை 22 இல் குறிப்பிடப்பட்டுள்ள 1 முதல் 6 வரையான நாடாளுமன்ற அலுவல்களுக்கு நேரம் ஒதுக்கப்பட்டுள்ளது.

காலை 10.00 மணி முதல் 11.00 வரை வாய்மூல விடைக்கான கேள்விகளுக்காகவும், காலை 11.00 மணி முதல் 11.30 மணி வரை நிலையியற் கட்டளை 27 (2)ன் கீழான கேள்விக்காக ஒதுக்கப்பட்டுள்ளது.

காலை 11.30 முதல் 7.00 வரை அரசியலமைப்புக்கான இருபத்திரெண்டாம் திருத்தச் சட்டமூலம் இரண்டாம் மதிப்பீடு தொடரப்படவுள்ளதுடன், நீதித்துறை (திருத்தச்) சட்டமூலம் இரண்டாம் மதிப்பீடு தொடரப்படவுள்ளது.