விமல், கம்மன்பில உட்பட ஆறு பேருக்கு எதிராக விசாரணை! நீதிமன்றுக்கு அறிவித்தது சிஐடி
முன்னாள் அமைச்சர்களான விமல் வீரவன்ச, உதய கம்மன்பில மற்றும் தற்போதைய நாடாளுமன்ற உறுப்பினர் திலித் ஜயவீர உள்ளிட்ட ஆறு பேருக்கு எதிராக நீதிமன்ற அவமதிப்புக் குற்றச்சாட்டின் கீழ் விசாரணை ஒன்றை ஆரம்பித்துள்ளதாக குற்றப் புலனாய்வு திணைக்களம் கோட்டை நீதவான் நீதிமன்றத்திற்கு அறிவித்துள்ளது.
அரச புலனாய்வு சேவையின் முன்னாள் பணிப்பாளர் சுரேஷ் சலேவின் தடுப்புக்காவல் தொடர்பான தற்போதைய விசாரணைகளைக் குறைமதிப்பிற்கு உட்படுத்தும் வகையிலும், நீதிமன்றத்தை அவமதிக்கும் வகையிலும் மின்னணு ஊடகங்கள் மூலம் வெளியிடப்பட்ட அறிக்கைகள் தொடர்பாகவே இந்த விசாரணை தொடங்கப்பட்டுள்ளதாக விசாரணை அதிகாரிகள் நீதிமன்றத்தில் தெரிவித்துள்ளனர்.
இதற்கமைய நாடாளுமன்ற உறுப்பினர் திலித் ஜயவீர, முன்னாள் நாடாளுமன்ற உறுப்பினர்களான விமல் வீரவன்ச, உதய கம்மன்பில, அசங்க நவரத்ன மற்றும் சுகீஸ்வர பண்டார, மகிந்த பத்திரண ஆகியோரால் வெளியிடப்பட்ட அறிக்கைகளுக்கு எதிராக இந்த விசாரணை நடத்தப்படுவதாக அதிகாரிகள் நீதிமன்றத்திற்கு அறிக்கை சமர்ப்பித்துள்ளனர்.
அழைப்பாணை
அதன்படி, இந்த 6 நபர்களையும் எதிர்வரும் ஜூலை மாதம் 1 ஆம் திகதி நீதிமன்றத்தில் முன்னிலையாகுமாறு உத்தரவு பிறப்பிக்குமாறு குற்றப் புலனாய்வுத் திணைக்களத்தினர் நீதிமன்றத்திடம் கோரிக்கை விடுத்துள்ளனர்.
இருப்பினும், சம்பந்தப்பட்ட நபர்களை நீதவான் நீதிமன்றத்தில் முற்படுத்துவதற்கு தற்போது அழைப்பாணை அனுப்ப வேண்டிய அவசியமில்லை என்று நீதவான் குறிப்பிட்டுள்ளார்.
மாறாக 2024-ஆம் ஆண்டின் நீதிமன்ற அவமதிப்பு, நீதித்துறை அதிகாரம் அல்லது நிறுவனச் சட்டம் எண் 8-இன் கீழ் அவர்கள் மீது குற்றச்சாட்டுகள் பதிவு செய்யப்பட்டுள்ளதால், விசாரணைக்குப் பிறகு மேல்முறையீட்டு நீதிமன்றத்தில் ஒரு முறைப்பாட்டை தாக்கல் செய்தால் போதுமானது என்றும் நீதிபதி தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
Conflans-Sainte-Honorine, France, London, United Kingdom, Nanterre, France
01 Jul, 2026
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
