பெருந்தொகை மதிப்பிலான தொலைபேசிகளை திருடிய சிறுவர்கள் இருவர் சிக்கினர்!

Anuradhapura Sri Lankan Peoples Sri Lanka Police Investigation

By Dhilak Jul 18, 2026 07:50 AM GMT

Dhilak

in சமூகம்

Report

அநுராதபுரம் - எப்பாவல பகுதியில் உள்ள ஒரு தொலைபேசி விற்பனைநிலையத்தில் இருந்து ரூ. 10 லட்சத்திற்கும் அதிகமான மதிப்புள்ள தொலைபேசிகள், துணைக்கருவிகள் மற்றும் பணத்தைத் திருடிய 14 வயதுடைய இரண்டு சிறுவர்களை காவல்துறையினர் கைது செய்துள்ளனர்.

எப்பாவல நகரில் பேருந்து நிலையம் அருகே உள்ள ஒரு தொலைபேசி விற்பனைநிலையத்தின் முன்பக்க ஜன்னலை உடைத்து, 4ஆம் திகதி அதிகாலை அந்த இரண்டு சிறுவர்களும் கடைக்குள் நுழைந்துள்ளதாக தெரியவருகிறது.

பறிமுதல் செய்யப்பட்ட தொலைபேசிகள்

இந்தத் திருட்டு குறித்து விசாரணை நடத்திய காவல்துறையினர், நேற்று (17) அந்த இரண்டு சந்தேக நபர்களான சிறுவர்களை கைது செய்துள்ளனர்.

பெருந்தொகை மதிப்பிலான தொலைபேசிகளை திருடிய சிறுவர்கள் இருவர் சிக்கினர்! | Two Boys Stole Mobile Phones Worth Million Rupees

எப்பாவல ஸ்ரீ சுதர்சனராம பிரிவெனாவில் தங்கிப் படிக்கும் அந்த இரண்டு சிறுவர்களும், தலாவ, நபடவெவ மற்றும் எப்பாவல, ரொடவெவ ஆகிய பகுதிகளைச் சேர்ந்தவர்கள் என்று தெரிவிக்கப்பட்டுள்ளது.

அவர்கள் கைது செய்யப்பட்டபோது, ரூ. 10 லட்சத்திற்கும் அதிகமான மதிப்புள்ள ஆறு ஸ்மார்ட் தொலைபேசிகளையும் ரூ. 5,000 ரொக்கப் பணமும் அவர்களிடம் இருந்து பறிமுதல் செய்யப்பட்டதாக கூறப்படுகிறது.

சட்ட நடவடிக்கை

சந்தேகத்திற்குரிய இந்த மாணவர், முந்தைய நாள் சம்பந்தப்பட்ட விற்பனை நிலையத்திற்கு சென்று அப்பிள் தொலைபேசியின் விலை குறித்து விசாரித்துள்ளார் என்பது தெரியவந்துள்ளது.

அவன் தன் தந்தையிடம் தொலைபேசியை வாங்கித் தருமாறு கேட்டிருந்த நிலையில், தந்தை அந்தக் கோரிக்கையை மறுத்ததால் தொலைபேசிகள் திருடப்பட்டதாக விசாரணையில் கண்டறியப்பட்டுள்ளது.

இந்நிலையில், கைது செய்யப்பட்ட சந்தேகத்திற்குரிய இரண்டு சிறுவர்களும் இன்று (18) தம்புத்தேகம நீதவான் நீதிமன்றத்தில் முற்படுத்தப்படவுள்ளனர்.