கொழும்பு தாமரை கோபுரத்தில் இருவர் உயிரிழப்பு

Colombo Death Drugs

By Shalini Balachandran Mar 12, 2024 07:43 AM GMT

Shalini Balachandran

in சமூகம்

Report

கொழும்பு தாமரை கோபுரத்தில் உள்ள உணவகம் ஒன்றில் இடம்பெற்ற விருந்துபசாரத்தில் போதைப்பொருள் உட்கொண்ட இருவர் உயிரிழந்துள்ளதாக காவல்துறையினர் தெரிவித்துள்ளனர்.

இந்த சம்பவத்தில் உடுமுல்ல பிரதேசத்தை வசிப்பிடமாக கொண்ட அழகு நிலையம் ஒன்றின் முகாமையாளரான ஹெட்டியாராச்சி ரசாங்கிகா ருக்சானி என்ற 27 வயது யுவதியும் மற்றும் தெஹிவளையில் வசித்து வந்த சமிந்து திரங்க பெர்னாண்டோ என்ற 22 வயதுடைய இளைஞருமே உயிரிழந்துள்ளனர்.

போதை மருந்துகளை உட்கொண்டதன் பின்னர் சுகவீனமடைந்த இருவரும் சம்பவ இடத்தில் இருந்தவர்களினால் கொழும்பு தேசிய வைத்தியசாலையில் அனுமதிக்கப்பட்ட போதிலும் சிகிச்சை பலனின்றி இவர்கள் உயிரிழந்ததாக காவல்துறையினர் தெரிவித்துள்ளனர்.

தாமரைக் கோபுரம்

இந்நிலையில் இந்த சம்பவம் தொடர்பான நீதவான் விசாரணைகள் மாளிகாகந்த நீதிவானால் முன்னெடுக்கப்பட்டுள்ளது.

கொழும்பு தாமரை கோபுரத்தில் இருவர் உயிரிழப்பு | Two People Death Near The Colombo Lotus Tower

முதற்கட்ட விசாரணையில் உயிரிழந்த இருவரின் பிரேத பரிசோதனைகளை கொழும்பு சட்ட வைத்திய அதிகாரி அலுவலகத்தில் வைத்து மேற்கொண்டு அறிக்கைகளை சமர்ப்பிக்குமாறு நீதவான் காவல்துறையினருக்கு உத்தரவிட்டுள்ளார்.

மரணத்தில் சந்தேகம்

இதேவேளை, தனது மகளின் மரணத்தில் சந்தேகம் காணப்படுவதாக உயிரிழந்தவரின் தாய் காவல்துறையினரிடம் தெரிவித்துள்ளார்.

கொழும்பு தாமரை கோபுரத்தில் இருவர் உயிரிழப்பு | Two People Death Near The Colombo Lotus Tower

குறித்த விருந்தில் உயிரிழந்த யுவதி உட்பட ஏழு பேர் போதைப்பொருளை உட்கொண்டதாகவும் மற்றும் அவரது காதலன் என கூறிக்கொள்ளும் இளைஞர் ஒருவரும் போதைப்பொருளை உட்கொண்டுள்ளதாகவும் காவல்துறையினர் குறிப்பிட்டுள்ளனர்.

மேலும் சம்பவம் தொடர்பில் மருதானை காவல்துறையினர் மேலதிக விசாரணைகளை மேற்கொண்டுள்ளதாக தெரிவித்துள்ளனர்.