காசா - இஸ்ரேல் மோதல்! இலங்கையர்களை வெளியேற்ற நடவடிக்கை?

sri lanka people isrel gaza

By Shalini May 27, 2021 03:31 AM GMT

Shalini

in இலங்கை

Report

காசா மற்றும் இஸ்ரேலின் முன்னேற்றங்களை இலங்கை கண்காணித்து வருகிறது, தேவை ஏற்பட்டால் காசா மற்றும் இஸ்ரேலில் உள்ள இலங்கையர்களை வெளியேற்ற நடவடிக்கை எடுக்கப்படும் என வெளியுறவு அமைச்சகம் தெரிவித்துள்ளது.

காசா மற்றும் இஸ்ரேலுக்கு இடையில் நடந்த கடுமையான மோதல் எகிப்தின் தலையீட்டால் கடந்த வெள்ளிக்கிழமை முடிவுக்கு கொண்டுவரப்பட்டது.

11 நாட்கள் நீடித்த கடுமையான சண்டையில் காசாவில் குறைந்தது 242 பேர் கொல்லப்பட்டனர் மற்றும் 13 பேர் இஸ்ரேலில் கொல்லப்பட்டதாக வெளிநாட்டு ஊடக அறிக்கை தெரிவித்துள்ளது.

இந்த நிலையில் காசாவின் முன்னேற்றங்கள் தினசரி மதிப்பீடு செய்யப்படுவதாக பிராந்திய கூட்டுறவு இராஜாங்க அமைச்சர் தாரக பாலசூரிய தெரிவித்தார்.

காசா மற்றும் இஸ்ரேலில் உள்ள இலங்கை சமூகத்தின் நலனை ஆராய நடவடிக்கை எடுக்கப்பட்டுள்ளது என்று அவர் கூறினார். தேவை ஏற்பட்டால் இலங்கையர்கள் பல கட்டங்களில் வெளியேற்றப்படுவார்கள் என்றும் அவர் கூறினார்.

காசா மற்றும் இஸ்ரேலில் உள்ள இலங்கை சமூகத்தின் அவல நிலையை இலங்கை அரசாங்கம் கருத்தில் கொள்ளவில்லை என்ற குற்றச்சாட்டை பாலசூரிய மறுத்தார்.

காசாவிற்கு அருகில் ஒரு சில இலங்கையர்கள் வேலை செய்கிறார்கள், மற்றவர்கள் இஸ்ரேலில் உள்ளனர். இலங்கை சமூகத்தின் சிறந்த நலனை அரசாங்கம் எப்போதும் மனதில் கொண்டுள்ளது என்று இராஜாங்க அமைச்சர் கூறினார்.

மேலும் காசா மற்றும் இஸ்ரேலில் உள்ள இலங்கையர்களை மறக்கவில்லை என்றும் முழுமையாக கண்காணிக்கப்பட்டு வருவதாகவும் அவர் கூறினார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்