அமெரிக்காவில் உயிரிழந்த 5 நாய்களின் உடல்கள் குளிர்சாதன பெட்டியிலிருந்து மீட்பு!
அமெரிக்காவின் - அரிசோனா மாகாணத்தில் உள்ள ஒரு வீட்டில் மெக்லாலி என்ற பெண் ஒருவர் இறந்த நாய்களின் உடல்களை தன்வீட்டு ஃபிரிட்ஜில் வைத்திருந்த சம்பவம் அப் பகுதியினரை ஆச்சரியத்தில் ஆழ்த்தியுள்ளது.
குறித்த பெண்ணின் வீட்டிலிருந்து துர்நாற்றம் வீசுவதாக அக்கம்பக்கத்தினர் காவல்துறையில் முறைப்பாடளித்துள்ளனர்.
குறித்த முறைப்பாட்டின்படி, காவல்துறையினர் அந்த வீட்டில், சோதனை நடத்திய போது உயிரிழந்த 5 நாய்களின் உடல்கள் அந்த வீட்டின் குளிர்சாதன பெட்டியிலிருந்து மீட்கப்பட்டுள்ளது.
55 நாய்கள்
மேலும், குறித்த வீட்டில் 55 நாய்கள் மோசமான நிலையில் இருந்து மீட்கப்பட்டு விலங்குகள் நல காப்பகத்தில் விடப்பட்ட தாக சர்வதேச ஊடகங்கள் தெரிவிக்கின்றன.
இதனையடுத்து, குறித்த பெண் கைது செய்யப்பட்டு விளக்கமறியலில் வைக்கப்பட்டுள்ளார்.
இது தொடர்பான மேலதிக விசாரணைகளை அந்நாட்டு காவல்துறையினர் முன்னெடுத்து வருகின்றனர்.
