ரஷ்யாவை சூழ்ந்த நூற்றுக்கணக்கான உக்ரைனிய ட்ரோன்கள்: வலுக்கும் மோதல்

Vladimir Putin World Russia

By Shalini Balachandran May 25, 2025 10:00 PM GMT

Shalini Balachandran

in உலகம்

Report

உக்ரைன் (Ukraine) மீண்டும் ரஷ்யா (Russia) மீது ட்ரோன் தாக்குதலை நடத்தியுள்ளதாக சர்வதேச ஊடகங்கள் செய்தி வெளியிட்டுள்ளன.

சமீபத்தில், ரஷ்ய தலைநகர் மொஸ்கோ மீது உக்ரைனால் ட்ரோன் தாக்குதல் நடத்தப்பட்டது.

இதற்குப் பதிலடியாக, உக்ரைனின் தலைநகர் கீவ் மீது ரஷ்யா பெரும் அளவிலான ட்ரோன் மற்றும் ஏவுகணைத் தாக்குதல்களை மேற்கொண்டது.

வெளியிட்ட அறிக்கை

இந்தத் தாக்குதல்களின் தொடர்ச்சியாக, இன்று அதிகாலை உக்ரைன் மீண்டும் ரஷ்யா மீது ட்ரோன் தாக்குதலை நடத்தியுள்ளது.

மொஸ்கோ நகரை இலக்காகக் கொண்டே இந்தத் தாக்குதல் நடத்தப்பட்டுள்ளதாக வெளிநாட்டு ஊடகங்கள் தெரிவிக்கின்றன.

ரஷ்யாவை சூழ்ந்த நூற்றுக்கணக்கான உக்ரைனிய ட்ரோன்கள்: வலுக்கும் மோதல் | 100 Ukrainian Drones Surrounded Russia

இது குறித்து ரஷ்யப் பாதுகாப்பு அமைச்சகம் அறிக்கையொன்றை வெளியிட்டுள்ளது.

குறித்த அறிக்கையில் தெரிவிக்கப்பட்டுள்ளதாவது, அதிகாலை நடத்தப்பட்ட தாக்குதலில் சுமார் 100 உக்ரைன் ட்ரோன்கள் இடைமறித்து அழிக்கப்பட்டதாக தெரிவிக்கப்பட்டுள்ளது.

உக்ரைனிய ட்ரோன்கள்

அத்தோடு, மத்திய மற்றும் தெற்கு பிராந்தியங்களில் நான்கு மணி நேரத்திற்குள் 95 ட்ரோன்கள் சுட்டு வீழ்த்தப்பட்டன எனவும் தெரிவிக்கப்பட்டுள்ளது.

இந்தநிலையில், மொஸ்கோவை இலக்காகக் கொண்டு ஏவப்பட்ட ட்ரோன்கள் அழிக்கப்பட்டதாக ரஷ்யா தெரிவித்துள்ளது.

இதனுடன் மத்திய நகரமான துலா மற்றும் மொஸ்கோவின் வடமேற்கே உள்ள ட்வெர் நகரிலும் வான் பாதுகாப்பு பிரிவுகள் ட்ரோன்களை சுட்டு வீழ்த்தியதாக தெரிவிக்கப்படுகின்றது.

மொஸ்கோ மேயர் செர்ஜி சோபியான், தலைநகருக்கு அருகில் 11 ட்ரோன்கள் இடைமறித்து அழிக்கப்பட்டமையை உறுதிப்படுத்தியமை குறிப்பிடத்தக்கது.