காசா போர்முனையில் இஸ்ரேல் இராணுவத்திற்கு ஏற்பட்ட பேரிழப்பு!
இஸ்ரேலிய இராணுவ வானொலி இஸ்ரேலிய ஊனமுற்ற படைவீரர் சங்கத்தை மேற்கோள் காட்டி, ஒக்டோபர் 7 முதல்,இடம்பெற்று வரும் மோதல்களில் 1,600 இராணுவ வீரர்கள் உடல் ஊனமுற்றுள்ளனர் என தெரிவித்துள்ளது.
அத்துடன் போரில் காயமடைந்தவர்களில் சிலர் அமெரிக்காவிற்கு மாற்றப்பட்டுள்ளனர், அங்கு அவர்களுக்கு மருத்துவ மற்றும் உளவியல் சிகிச்சை அளிக்கப்படுவதாக கூறப்படுகிறது.
புதைக்கப்படும் இஸ்ரேலிய வீரர்களின் சடலங்கள்
நவம்பர் 18 அன்று, மவுண்ட் ஹெர்சல் இராணுவ கல்லறையின் இயக்குனர் டேவிட் ஓரென் பாரூக், ஒரு இஸ்ரேலிய சிப்பாய் இராணுவ கல்லறையில் ஒவ்வொரு ஒரு மணி நேரத்திற்கும் ஒன்றரை மணிநேரத்திற்கும் இடைப்பட்ட நேரத்தில் புதைக்கப்படுகிறார் என்று ஒரு பேட்டியில் வெளிப்படுத்தினார்.
இஸ்ரேலிய இராணுவ செய்தித் தொடர்பாளர் டானியல் ஹகாரி மற்றும் பிற இஸ்ரேலிய இராணுவ அதிகாரிகளின் தினசரி இழப்பு விபரங்களுக்கு முற்றிலும் மாறுபட்டதாக பாரூக்கின் அறிக்கை கருதப்படுகிறது.
நூற்றுக்கும் மேற்பட்ட படை வாகனங்கள் அழிப்பு
உத்தியோகபூர்வ இஸ்ரேலிய கணக்கீடுகளின்படி, காசா மீதான இஸ்ரேலிய படையெடுப்பில் இதுவரை 69 இஸ்ரேலிய வீரர்கள் கொல்லப்பட்டுள்ளனர், மேலும் நூற்றுக்கணக்கானோர் காயமடைந்துள்ளனர்.
AL-QASSAM BRIGADES: We targeted the occupation soldiers and vehicles penetrating Gaza City.
— The Palestine Chronicle (@PalestineChron) November 22, 2023
FOLLOW OUR LIVE BLOG: https://t.co/aoNLznDjzG pic.twitter.com/EzIVfHlHjG
காசாவில் உள்ள பாலஸ்தீனிய எதிர்ப்பின் ஆவணப்படுத்தப்பட்ட சான்றுகள், குறிப்பாக நூற்றுக்கணக்கான இஸ்ரேலிய டாங்கிகள் மற்றும் பிற கவச வாகனங்கள் எதிர்ப்புப் போராளிகளால் குறிவைத்து அழிக்கப்பட்டு முழுமையாகவோ அல்லது பகுதியாகவோ இருப்பதால், எண்ணிக்கை மிக அதிகமாக இருக்க வேண்டும் என்று கூறுகிறது.
