யாழ்ப்பாணப் பல்கலைக்கழகத்தின் 41ஆவது பொதுப் பட்டமளிப்பு விழா
யாழ்ப்பாணப் பல்கலைக்கழகத்தின் 41ஆவது பொதுப் பட்டமளிப்பு விழா எதிர்வரும் 6ஆம் திகதி செவ்வாய்க்கிழமை முதல் 8ஆம் திகதி வியாழக்கிழமை வரை மூன்று நாள்கள், ஒன்பது அமர்வுகளாக பல்கலைக்கழக உள்ளக விளையாட்டரங்கில் நடைபெறவுள்ளது.
யாழ்ப்பாணப் பல்கலைக்கழகத்தின் 5ஆவது வேந்தர் தகைசால் பேராசிரியர் இராஜரட்ணம் குமாரவடிவேல் தலைமையில் நடைபெறவுள்ள இப்பட்டமளிப்பு விழாவில், பட்டதாரிகளுக்கான பட்டங்கள், தகைமைச் சான்றிதழ்கள், தங்கப் பதக்கங்கள், பரிசில்கள் மற்றும் புலமைப் பரிசில்கள் வழங்கிக் கௌரவிக்கப்படவுள்ளனர்.
இப்பட்டமளிப்பு விழாவில் உயர் பட்டப் படிப்புகள் பீடம், கலைப்பீடம், விஞ்ஞான பீடம், விவசாய பீடம், முகாமைத்துவக் கற்கைகள் மற்றும் வணிக பீடம், தொழில்நுட்பப் பீடம், பொறியியற் பீடம், மருத்துவ பீடம், இந்துக் கற்கைகள் பீடம், சித்த மருத்துவ பீடம், சேர். பொன்னம்பலம் இராமநாதன் காண்பிய ஆற்றுகைக் கலைகள் பீடம் உள்ளிட்ட பீடங்களைச் சேர்ந்த பட்டதாரிகளுக்கு பட்டங்கள் வழங்கப்படவுள்ளன.
கல்விசார் சாதனைகள்
அத்துடன், யாழ்ப்பாணப் பல்கலைக்கழகத்தின் முன்னைய வவுனியா வளாகத்தைச் சேர்ந்த வியாபாரக் கற்கைகள் பீடம், பிரயோக விஞ்ஞான பீடம் மற்றும் தொழில்நுட்பக் கற்கைகள் பீடம் ஆகியவற்றைச் சேர்ந்த பட்டதாரிகளும் இப்பட்டமளிப்பு விழாவில் பட்டங்களைப் பெறவுள்ளனர்.
மேலும், யாழ்ப்பாணப் பல்கலைக்கழகத்தின் திறந்த மற்றும் தொலைக்கல்வி நிலையத்தின் ஊடாக திறந்த மற்றும் தொலைக்கல்வி முறைமையில் கற்கைநெறிகளைப் பூர்த்தி செய்த பட்டதாரிகளுக்கும் பட்டங்களும் தகைமைச் சான்றிதழ்களும் வழங்கப்படவுள்ளன.
இம்முறை நடைபெறும் பட்டமளிப்பு விழாவில் 314 பட்டப்பின் தகைமை பெற்றவர்களுக்கும், 2,680 உள்வாரி மாணவர்களுக்கும், 417 வெளிவாரி மாணவர்களுக்கும் பட்டங்கள் வழங்கப்படவுள்ளன.
இதனுடன், 10 உயர் தகைமை மற்றும் தகைமைச் சான்றிதழ்களும், தொழில்சார் ஆங்கிலத்தில் 24 தகைமைச் சான்றிதழ்களும் வழங்கப்படவுள்ளன.
மூன்று நாள்கள் நடைபெறும் இப்பட்டமளிப்பு விழாவில் பல்வேறு பீடங்களைச் சேர்ந்த பட்டதாரிகள் கௌரவிக்கப்படவுள்ளதுடன், பல்கலைக்கழகத்தின் கல்விசார் சாதனைகளைக் கொண்டாடும் முக்கிய நிகழ்வாகவும் இது அமையவுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
