பெலியத்தையில் ஐவர் சுட்டுக்கொலை : மற்றுமொரு சந்தேக நபர் கைது
தென்னிலங்கையின் பெலியத்தை பகுதியில் கடந்த மாதம் 22ஆம் திகதி 5 பேர் சுட்டுக் கொலை செய்யப்பட்ட சம்பவம் தொடர்பில் மற்றுமொரு சந்தேக நபர் கைது செய்யப்பட்டுள்ளார்.
எங்கள் மக்கள் சக்தி கட்சியின் தலைவர் சமன் பெரேரா உட்பட ஐவர் கொலை செய்யப்பட்ட சம்பவத்துக்கு உதவிய குற்றச்சாட்டின் பேரில் அவர் கைதாகியுள்ளார்.
மாத்தறை வலய சிறுவர் மற்றும் மகளிர் பணியகத்தின் அதிகாரிகளால் ஹபராதுவை பகுதியில் வைத்து குறித்த நபர் கைது செய்யப்பட்டதாக காவல்துறை ஊடகப் பிரிவு தெரிவித்துள்ளது.
காவல்துறையினர் விசாரணை
இதேவேளை கைதானவர் ரத்கம பகுதியைச் சேர்ந்த 28 வயதுடைய ஒருவரென தெரிவிக்கப்பட்டுள்ளது.
சம்பவம் தொடர்பில் பெலியத்த காவல்துறையினர் மேலதிக விசாரணைகளை முன்னெடுத்துள்ளனர்.
இந்தச் சம்பவம் தொடர்பாக இதுவரையில் பிரதான சூத்திரதாரி உள்ளிட்ட 10 மேற்பட்ட சந்தேக நபர்கள் கைது செய்யப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
