முற்றாக தீக்கிரையான வீடு- வெளியான விபரம்!
கோறளைப்பற்று மத்தி பிரதேச செயலாளர் பிரிவிற்குட்பட்ட வாழைச்சேனை ஹைராத் வீதியில் அமைந்துள்ள வீடு ஒன்று தீயினால் சேதமடைந்துள்ளதாகத் தெரிவிக்கப்பட்டுள்ளது.
இந்த சம்பவம் சம்பவம் நேற்று செவ்வாய்க்கிழமை இரவு இடம்பெற்றுள்ளதாக வாழைச்சேனை பொலிஸார் தெரிவித்துள்ளனர்.
வாழைச்சேனை ஹைராத் பள்ளிவாசலுக்கு முன்பாக உள்ள மிக்ஸர் வியாபார நிலைய உரிமையாளரின் வீடே தீயினால் சேதமடைந்துள்ளதுடன், வீட்டில் யாரும் இல்லாத நிலையில் உயிர் ஆபத்து எதுவும் இடம் பெறவில்லை என்றும் பொலிஸார் தெரிவித்தனர்.
தீயினால் வீட்டின் அறை முற்றாக சேதமடைந்துள்ளதுடன், வீட்டில் இருந்த மின் பாவனைப் பொருட்கள், பெறுமதிமிக்க வீட்டுப் பொருட்கள், பிள்ளைகளின் கல்வி உபகரணங்கள் மற்றும் ஒரு தொகை பணம் என்பன தீயினால் முற்றாக சேதடைந்துள்ளதாக வீட்டின் உரிமையாளர் தெரிவித்தார்.
வீட்டின் உரிமையாளர் வியாபார நடவடிக்கையில் இருந்ததாகவும். குடும்பத்தார் உறவினரின் வீட்டிற்கு சென்ற சமயம் தீ விபத்து ஏற்பட்டுள்ளதாகவும், தீ விபத்து ஏற்பட்டமைக்கான காரணம் தெரியவில்லை என்றும் வீட்டின் உரிமையாளர் தெரிவித்தார்.
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
