திக்திக் சிசிடிவி காட்சி..! காரொன்றிலிருந்து மீட்கப்பட்ட பெண் மருத்துவர் சடலம்
தனியார் விடுதி ஒன்றில் தங்கியிருந்த உடலியக்க மருத்துவர் ஒருவர் காரொன்றிலிருந்து இருந்து சடலமாக மீட்கப்பட்டுள்ளார்.
இந்த சடலமானது தெல்தெனிய மருத்துவமனைக்கு அருகிலுள்ள வாகன நிறுத்துமிடத்தில் நேற்று (17) புதன்கிழமை மாலை மீட்கப்பட்டுள்ளதாக காவல்துறையினர் தெரிவித்துள்ளனர்.
உயிரிழந்தவர் வெலிகம - குருந்து கொரட்டுவ - பலல்ல பகுதியைச் சேர்ந்த 34 வயதுடைய பெண் என அடையாளம் காணப்பட்டுள்ளார்.
சிசிடிவி கேமரா காட்சி
உயிரிழந்த பெண், தனது காதலன் எனக் கூறப்படும் நபருடன் நுவரெலியா பகுதியிலுள்ள தங்குமிடமொன்றிற்கு நேற்று முன்தினம் வருகை தந்திருந்தமை விசாரணைகளில் தெரியவந்துள்ளதாக காவல்துறை தெரிவித்துள்ளது.
அந்தப் பெண்ணின் சடலத்தை காதலன் அன்றைய தினம் இரவே காரொன்றிலிருந்து ஏற்றி, நேற்று காலை தெல்தெனிய பகுதிக்குக் கொண்டு வந்திருக்கலாம் என சந்தேகிக்கப்படுவதாக காவல்துறை மேலும் தெரிவித்துள்ளது.
இதேவேளை, குறித்த விடுதியிலிருந்து இரவு 10:30 மணியளவில் பெண்ணை தூக்கிச் சென்று காரொன்றில் ஏற்றி செல்லும் செயல்களைச் விடுதியில் பொருத்தப்பட்டிருந்த சிசிடிவி (CCTV) கேமரா காட்சிகளை அடிப்படையாகக் கொண்டு பெண்ணின் மூத்த சகோதரன் நுவரெலியா காவல் நிலையத்தில் முறைப்பாடு ஒன்றினை பதிவு செய்துள்ளார்.
கைது செய்யப்படவில்லை
பின்னர் காதலனே தெல்தெனிய காவல்துறையினருக்குத் தொலைபேசி அழைப்பை மேற்கொண்டு இத்தகவலை வழங்கியுள்ளமை ஆரம்பக்கட்ட விசாரணைகளில் வெளிப்பட்டுள்ளது.
சந்தேகிக்கப்படும் காதலன் கன்னொருவ பகுதியைச் சேர்ந்தவர் என காவல்துறை குறிப்பிட்டுள்ள போதிலும், இதுவரை அவர் கைது செய்யப்படவில்லை.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
