வெளிநாடொன்றிலிருந்து வந்த வர்த்தகர் கட்டுநாயக்க விமான நிலையத்தில் கடத்தல்

Sri Lanka Police Bandaranaike International Airport Dubai Gold

By Sumithiran Oct 18, 2023 08:38 AM GMT

Sumithiran

in குற்றம்

Report

கட்டுநாயக்க விமான நிலையத்தின் புறப்படும் முனையத்தில் வைத்து டுபாயில் இருந்து வந்த வர்த்தகர் ஒருவர் கடத்திச் செல்லப்பட்டுள்ளார்.

இவ்வாறு வர்த்தகரை கடத்திச் சென்ற காவல்துறையினரான சார்ஜன்ட்கள் இருவர் அவரை வீடொன்றுக்கு அழைத்துச் சென்று அந்த வர்த்தகரிடம் இருந்து தங்கப் பொடி அடங்கிய 8 ஜெல் பொதிகளை பலவந்தமாக எடுத்துச் சென்ற நிலையில் அவர்கள் இருவரையும் கட்டுநாயக்க விமான நிலைய காவல்துறையினர் கைது செய்துள்ளனர்.

கடத்தியவர்கள் காவல்துறையினரே

கட்டுநாயக்க விமான நிலைய காவல்துறை பிரிவுக்குட்பட்ட காவல்துறை சுற்றுலா பிரிவில் கடமையாற்றும் சார்ஜன்ட்கள் இருவரே சந்தேகத்தின் பேரில் கைது செய்யப்பட்டவர்களாவர்.

வெளிநாடொன்றிலிருந்து வந்த வர்த்தகர் கட்டுநாயக்க விமான நிலையத்தில் கடத்தல் | Businessman Kidnapped At Katunayake Airport

கைது செய்யப்பட்ட இரண்டு சந்தேகநபர்களான காவல்துறை உத்தியோகத்தர்கள் வெளிப்படுத்திய தகவலின்படி, தங்கத் தூள் கலந்த இரண்டு ஜெல் பொதிகளும் கண்டுபிடிக்கப்பட்டுள்ளன.

வர்த்தகர் முறைப்பாடு

நாத்தாண்டிய, கொஸ்வத்த கொட்டாரமுல்ல பிரதேசத்தைச் சேர்ந்த முப்பது வயதுடைய வர்த்தகர் செய்த முறைப்பாட்டையடுத்து, சந்தேகத்தின் பேரில் இரண்டு காவல்துறை சார்ஜன்ட்களும் கைது செய்யப்பட்டதாக அப்பகுதியின் உயர் காவல்துறை அதிகாரி ஒருவர் தெரிவித்தார்.