யாழில் அரச காணிகளைச் சுவீகரிக்கும் மோசடி: நீதிமன்றம் பிறப்பித்த உத்தரவு

யாழ்ப்பாணத்தில் நீர்ப்பாசன திணைக்களத்தின் காணியை அடாத்தாக கையகப்படுத்தியிருந்த தனியாரிடம் இருந்து குறித்த காணியை பருத்தித்துறை நீதவான் நீதிமன்று மீட்டு நீர்பாசன திணைக்களத்திடம் ஒப்படைத்துள்ளது.

கரவெட்டி பிரதேச செயலகத்திற்கு உட்பட்ட காரணவாய் மேற்கு கிராம சேவையாளர் பிரிவில் நீர்ப்பாசன திணைக்களத்திற்கு சொந்தமான நீரேந்து பிரதேசத்தில் சுமார் 40 பரப்பு காணியை அடாத்தாக தனி நபர் ஒருவர் கையகப்படுத்தி அதற்கு எல்லை வேலிகளையும் நட்டு வைத்திருந்தார்.

இது தொடர்பில் நீர்ப்பாசன திணைக்களத்தினரால் பருத்தித்துறை நீதவான் நீதிமன்றில் வழக்கு தாக்கல் செய்யப்பட்டு விசாரணைகள் நடைபெற்று வந்தது.

பிணையில் செல்ல அனுமதிக்கப்பட்டார் நாமல்!

பாதுகாப்பு காணி

இந்த விசாரணைகளின் அடிப்படையில் குறித்த காணி நீர்ப்பாசன திணைக்களத்திற்கு உரியது என்பதனை அறிந்து காணியை நீர்ப்பாசன திணைக்களத்திடம் கையளிக்க உத்தரவிட்டது.

அதன் அடிப்படையில் இன்றைய தினம் (03-11-2026) நீதிமன்ற பதிவாளர் தலைமையிலான நீதிமன்ற உத்தியோகஸ்தர்கள் , நெல்லியடி காவல்துறையினரின் பாதுகாப்புடன் காணியை நீர்ப்பாசன திணைக்களத்திடம் கையளித்ததை அடுத்து குறித்த காணியை சுற்றி நடப்பட்டிருந்த எல்லை வேலிகளை அகற்றும் நடவடிக்கை முன்னெடுக்கப்பட்டது.

அதேவேளை காணியை தற்போது உரிமை கோரிய நபருக்கு வேறு நபரே காணியை விற்பனை செய்ததாக அறிய முடிகிறதுயாழ்ப்பாணத்தில் அரச காணிகள் , நீரேந்து பிரதேசமாக உள்ள நீர்ப்பாசன திணைக்களத்திற்க்கு சொந்தமான காணிகள், காணி உரிமையாளர்களை அடையாளம் காண முடியாத காணிகள் என்பவற்றுக்கு போலி உறுதி முடிப்புக்கள் செய்து காணி மோசடியில் மிக பெரிய வலையமைப்பு செயற்படுவதாக கடந்த சில வருடங்களாக காவல்துறையினர் எச்சரித்து வருகின்றமை குறிப்பிடத்தக்கது.

அழுத்தத்தில் மக்கள்: நாட்டில் அதிகரித்த எரிபொருள் விலை - அமைச்சர் வெளியிட்ட தகவல்

நாடாளுமன்றில் பாரிய அமளி துமளி...! சபாநாயகருக்கு எதிராக கூச்சலிடும் எம்பிக்கள்

you may like this