கட்டுநாயக்காவில் அதிகாலைவேளை வந்திறங்கிய வெளிநாட்டவர் கைது

Bandaranaike International Airport Sri Lanka Police Investigation Drugs

By Jaso Jan 08, 2025 04:58 PM GMT

Jaso

in குற்றம்

Report

கட்டுநாயக்க விமான நிலையத்தில் (bandaranaike international airport)வந்திறங்கிய வெளிநாட்டு பிரஜை ஒருவர் இன்று(08) புதன்கிழமை அதிகாலை கைது செய்யப்பட்டார்.

பொஸ்னியா(bosnia) நாட்டைச் சேர்ந்த 66 வயதான நபரையே விமான நிலையத்தின் வருகை முனையத்தில் வைத்து போதைப்பொருள் தடுப்புப் பிரிவினர் கைது செய்தனர்.

கோடிக்கணக்கில் கொண்டு வரப்பட்ட போதைப்பொருள்

ஒன்பது கோடியே 70 இலட்சம் ரூபாய் (97 மில்லியன் ரூபாய்) பெறுமதியான கொக்கெய்ன் போதைப்பொருளுடன் கட்டுநாயக்க விமான நிலையத்திலிருந்து அறிவிக்கப்படாத "கிரீன் சனல்" ஊடாக வெளியேற முயன்றவேளை அவர் கைது செய்யப்பட்டார்.

கட்டுநாயக்காவில் அதிகாலைவேளை வந்திறங்கிய வெளிநாட்டவர் கைது | Foreigner Arrested For Arriving In Katunayake

அவர் தனது சூட்கேஸில் 02 கிலோ 759 கிராம் கொக்கெய்ன் போதைப்பொருளை மிக நுணுக்கமாக மறைத்து வைத்திருந்தார், கால்களை சுத்தம் செய்யும் பிரஸ்கள் 114 மறைத்து எடுத்து வந்துள்ளார்.

காவல்துறை போதைப்பொருள் ஒழிப்பு பிரிவு அதிகாரிகளிடம் ஒப்படைப்பு

கொலம்பியாவில் இருந்து இந்த போதைப்பொருளுடன் பயணிக்கத் தொடங்கி கத்தார் தோஹாவுக்கு வந்தார். அதன் பின்னர், புதன்கிழமை (08) அன்று அதிகாலை 02.40 மணியளவில் கட்டார் எயார்வேஸ் விமானமான KR-662 மூலம் கட்டுநாயக்க விமான நிலையத்தை வந்தடைந்துள்ளார்.

கைது செய்யப்பட்ட பொஸ்னிய பிரஜையுடன் அவர் கொண்டு வந்த கொக்கெய்ன் போதைப்பொருள் மேலதிக விசாரணைகளுக்காக கட்டுநாயக்க விமான நிலைய காவல்துறை போதைப்பொருள் ஒழிப்பு பிரிவின் அதிகாரிகளிடம் ஒப்படைக்க நடவடிக்கை எடுக்கப்பட்டுள்ளது.