ஞானசார தேரருக்கு விதிக்கப்பட்ட 9 மாத சிறைத்தண்டனை : நீதிமன்றின் உத்தரவு

Galagoda Aththe Gnanasara Thero Law and Order

By Sathangani Oct 07, 2026 07:24 AM GMT

Sathangani

Report

புதிய இணைப்பு

ஒன்பது மாத சிறைத்தண்டனை விதிக்கப்பட்டுள்ள பொதுபல சேனா அமைப்பின் பொதுச்செயலாளர் கலகொட அத்தே ஞானசார தேரருக்கு எதிரான வழக்கை, எதிர்வரும் பெப்ரவரி மாதம் 25 ஆம் திகதி மீண்டும் அழைக்குமாறு கொழும்பு நீதவான் நீதிமன்றம் உத்தரவிட்டுள்ளது.

குறித்த வழக்கு இன்று (07) விசாரணைக்கு அழைக்கப்பட்ட போது இந்த உத்தரவு பிறப்பிக்கப்பட்டுள்ளது.

குறித்த சிறைத்தண்டனைக்கு எதிராகத் தனது கட்சிக்காரரான தேரர் தற்போது உயர் நீதிமன்றத்தில் மேன்முறையீடொன்றைத் தாக்கல் செய்துள்ளதாகக் குறிப்பிட்ட அவரது சட்டத்தரணி, அதற்கான தீர்ப்பு கிடைக்கும் வரை இந்தத் தண்டனையை நடைமுறைப்படுத்துவதை ஒத்திவைக்குமாறு கோரிக்கை விடுத்தார்.

ஞானசார தேரருக்கு விதிக்கப்பட்ட 9 மாத சிறைத்தண்டனை : நீதிமன்றின் உத்தரவு | Gnanasara Thero Brought Before Court Again

முதலாம் இணைப்பு

மீண்டும் நீதிமன்றில் முன்னிலையான ஞானசார தேரர்!

சிறைத்தண்டனை அனுபவித்து வரும் பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரர் இன்று (07) மீண்டும் நீதிமன்றத்தில் முன்னிலைப்படுத்தப்பட்டுள்ளார்.

அதற்கமைய ஞானசார தேரர் கைதிகளுக்கான ஆடையணிந்த நிலையில் சற்றுமுன்னர் கொழும்பு நீதவான் நீதிமன்றத்திற்கு அழைத்து வரப்பட்டுள்ளார்.

மதமொன்றை அவமதிக்கும் வகையில் கருத்துகளை வெளியிட்ட குற்றச்சாட்டில் குற்றவாளியாக அடையாளம் காணப்பட்டு 09 மாத சிறைத்தண்டனை விதிக்கப்பட்ட வழக்கு தொடர்பில் கொழும்பு நீதவான் நீதிமன்றம் பிறப்பித்த உத்தரவுக்கு அமையவே அவர் இவ்வாறு அழைத்து வரப்பட்டுள்ளார்.

விதிக்கப்பட்ட சிறைத்தணடனை

இதேவேளை நீதிமன்றத்தை அவமதித்த குற்றச்சாட்டில் குற்றவாளியாக அறிவிக்கப்பட்ட ஞானசார தேரருக்கு விதிக்கப்பட்டிருந்த சிறைத்தண்டனையின் எஞ்சிய காலத்தை நடைமுறைப்படுத்துவதற்கான நடவடிக்கைகளை மேற்கொள்ளுமாறு மேன்முறையீட்டு நீதிமன்றம் உத்தரவிட்ட நிலையில் தற்போது சிறைத்தண்டனை அனுபவித்து வருகின்றமை குறிப்பிடத்தக்கது.