சிறிலங்கா முஸ்லிம் காங்கிரஸின் எம்.பியாக ஹபீப் ரிஃபான் சத்தியப்பிரமாணம்
சிறிலங்கா முஸ்லிம் காங்கிரஸின் தேசியப் பட்டியல் நாடாளுமன்ற உறுப்பினராக சட்டத்தரணி ஹபீப் ரிஃபான் சத்தியப்பிரமாணம் செய்து கொண்டுள்ளார்.
இன்று காலை (24) நாடாளுமன்ற அமர்வுகள் ஆரம்பமான போது சபாநாயகர் ஜகத் விக்ரமரத்ன முன்னிலையில் இவ்வாறு அவர் சத்தியப்பிரமாணம் செய்து கொண்டார்.
சிறிலங்கா முஸ்லிம் காங்கிரஸின் தேசியப் பட்டியல் நாடாளுமன்ற உறுப்பினராக செயற்பட்ட எம்.எஸ். அப்துல் வாஸித் தனது பதவியிலிருந்து விலகியதை அடுத்து ஏற்பட்ட வெற்றிடத்திற்கே ஹபீப் ரிஃபான் நியமிக்கப்பட்டுள்ளார்.
பதவி விலகிய அப்துல் வாஸித்
1981 ஆம் ஆண்டின் 1 ஆம் இலக்க நாடாளுமன்றத் தேர்தல்கள் சட்டத்தின் 64(5) ஆம் பிரிவின்படியும், 1988 ஆம் ஆண்டின் 35 ஆம் இலக்க தேர்தல்கள் (சிறப்பு ஏற்பாடுகள்) சட்டத்தின் மூலம் திருத்தப்பட்டவாறும் இந்த நியமனம் மேற்கொள்ளப்பட்டது.
பதவி விலகலைத் தொடர்ந்து, அந்த வெற்றிடத்தை நிரப்புவதற்குத் தகுதியான ஒருவரைப் பரிந்துரைக்குமாறு சிறிலங்கா முஸ்லிம் காங்கிரஸின் செயலாளருக்குத் தேர்தல் ஆணைக்குழு அறிவுறுத்தியிருந்தது.
அதற்கிணங்க, சிறிலங்கா முஸ்லிம் காங்கிரஸ் செயலாளர் ஹபீப் ரிஃபான் பரிந்துரைத்ததைத் தொடர்ந்து, அந்த வெற்றிடத்திற்கான உறுப்பினராக அவர் பத்தாவது நாடாளுமன்றத்திற்குத் தெரிவு செய்யப்பட்டதாகத் தேர்தல் ஆணைக்குழு உத்தியோகபூர்வமாக அறிவித்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
